Kurdî  ■  كوردی  ■  عربي
THU, 21 JUN 2018 09:36 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پسپۆڕان: پەرلەمانی ئەورووپا پەیامی دایە دنیا كە لەگەڵ ریفراندۆمدان
| KDP.info


 

باكووری كوردستان-KDP.info- دوای ئەوەی شاندی باڵای ریفراندۆم بە سەرۆكایەتیی (مەسعوود بارزانی) سەرۆكی هەرێمی كوردستان، لە برۆكسلی پایتەختی بەلجیكا لەگەڵ پەرلەمانی ئەورووپادا كۆ بووەوە، پێشوازییەكی گەرم لە شاندەكە كرا، پسپۆڕێكی یاسای نێودەوڵەتییش دەڵیت، سەردانی كۆمیتەی ریفراندۆم زۆر گرینگ بوو، چونكە یەكێتیی ئەورووپا پەیامی دایە دنیا كە لەگەڵ ریفراندۆمدان.

شاندەكە بە سەرۆكایەتیی (سەرۆك بارزانی) چەندین كۆبوونەوەی ئەنجام دا، لەوانەیش كۆبوونەوە لەگەڵ بەرپرسانی هەرێمی فلاندەرز، دوای كۆبوونەوەكەیش سەرۆكی هەرێم رایگەیاند، "هەڵویستی دۆستەكانمان زۆر ئەرێنی بووە".

لەو بارەیەوە، (سولەیمان شێخ نەبی)، كە پسپۆڕی یاسای نێودەوڵەتییە لە توركیا، بە ماڵپەری فەرمیی پارتی دیموكراتی كوردستانی گوت، "هەموو دەزگاكانی بەلجیكا و دەزگاكانی دیكەی ئەورووپا، لە سیاسەتی دنیادا پێگەی تایبەتیان هەیە و، بەلجیكا ناوەندی یەكێتیی ئەورووپایە و بڕیارەكانی ئەم وڵاتە زۆر گرینگن بۆ ئەورووپاییەكان".

چوونی شاندی هەرێم بۆ پەرلەمانی ئەورووپا، بۆ هەرێمی كوردستان ڕۆژێكی مێژوویی بوو و، لە نێو پەرلەمانی ئەورووپادا تەنیا ئاڵای كوردستان لە پاڵ ئاڵای یەكێتیی ئەورووپادا بینرا.

(شێخ نەبی)، گوتیشی، "بەلجیكا و پەرلەمانی ئەورووپا پێشوازییەكی گەرمیان لە شاندی كورد كرد و، لە پێشوازییەكەدا لەگەڵ پەرلەمانی ئەورووپا، لە پاڵ ئاڵای یەكێتی ئەورووپادا تەنیا ئاڵای كوردستان بینرا، لە كاتێكدا كە بەپێی عورفی سیاسی و یاسایی، پێویست بوو ئاڵای عێراقیش هەبووایە، كەچی یەكێتیی ئەورووپا ئاڵاكەی هەڵنەدا و بەم هەڵوێستەیشی پێشانی دنیای دا كە ئەوان لەگەڵ ئەنجامدانی ریفراندۆمدان لە هەرێمی كوردستان".

لە جاڕنامەی گەردوونیی مافی نەتەوەكاندا هاتووە، هەموو گەلانی دنیا مافی چارەی خۆنووسینیان هەیە، هەر لەسەر ئەو بنەمایەیش (سلێمان شێخ نەبی) دەڵێ، "لە جاڕنامەكەدا هاتووە كە هەموو نەتەوەیەك مافی ئەوەی هەیە چارەنووسی خۆی دیاری بكات، و ئێمەی كوردیش مافی ئەوەمان هەیە بە شیوەیەكی سرووشتی و ڕەوا چارەنووسی خۆمان وەك هەموو گەلانی دونیا دیاری بكەین".

لە لایەكی دیكەوە، (ئەكرەم ئۆنەن)، كە شارەزای سیاسی و مێدیاییە، بە ماڵپەری فەرمیی پارتی دیموكراتی كوردستانی گوت، "هەڵدانی ئاڵا و پێشوازیی پەرلەمانی ئەورووپا، مانای پشتیوانیكردن لە گەلی كورد بوو و، ناردنی چاودێرانیش شەرعییەتدانێكی ئاشكرایە بە ریفراندۆمەكەی هەرێم".

(ئۆنەن) گوتیشی، "پێوستە حزبە كوردستانییەكان یەكگوتار بن بۆ ئەنجامدانی ڕیفراندۆم، چونكە ئەمە پرسێكی نەتەوەییە و هیچ پەیوەندییەكی بە حزبێكی دیاریكراوەوە نییە".

 

كاروان باعەدری




دوایین هەواڵەکان

وەزارەتى خوێندنى باڵا، لیستى زانکۆ باوەڕپێکراوەکانى تورکیا و ئێرانی بڵاو كرده‌وه‌

THURSDAY, 21 JUNE 2018 00:06:18

هه‌ولێر-KDP.info-  وەزارەتى خوێندنى باڵا و توێژینەوەى زانستیى حکوومەتى هەرێمى کوردستان پێداچوونەوەى بە لیستى زانکۆ باوەڕپێکراوەکانى وڵاتانى (تورکیا – ئێران) کرد و لیستێکى نوێی بڵاو كرده‌وه‌.

 
مه‌كته‌بی سه‌رۆك سه‌رخۆشی له‌ شاخەوان غەریب ده‌كات

THURSDAY, 21 JUNE 2018 00:06:05

بەناوی خودای گەورە و میهرەبان

به‌ڕێز شاخەوان غەریب

بەبیستنی هه‌واڵی كۆچی دوایی كاكە(شڤان)ـی كوڕت خەمبار بووین.

پارتی سه‌رخۆشی له‌ خانەوادەی مەلا حاجی دێلۆیی ده‌كات

THURSDAY, 21 JUNE 2018 00:06:33

بەڕێزان خانەوادەی مەلا حاجی دێلۆیی

خەمبار بووین بە بیستنی هەواڵی کۆچی دوایی پێشمەرگەی هەدوو شۆڕشی مەزنی ئەیلوول و گوڵان، کادیری تێکۆشەر و دڵسۆزی پارتی و رێبازی بارزانی، ئەندامی مەکتەبی رێکخستن و کەسایەتیی دیاری دەڤەری پشدەر (مەلا حاجی دێلۆیی).

"بۆ گەڕانه‌وه‌ی پێشمه‌رگه‌ بۆ سنووری خانه‌قین سبه‌ی خۆپێشاندان دەکرێ"

WEDNESDAY, 20 JUNE 2018 16:06:14

خانه‌قین-KDP.info-  به ‌هۆی ئه‌وه‌ی مه‌ترسییه‌كی گه‌وره‌ له‌سه‌ر خانه‌قین هه‌یه‌ و به‌رده‌وام كرده‌وه‌ی تیرۆریستی لێ ئه‌نجام ده‌درێت و چه‌ندین گوند به‌و هۆیه‌وه‌ چۆڵ كراون و خه‌ڵكێكی زۆر بوونەته‌ قوربانی. عامر رەفعەت دەڵێ، ئیدی سبه‌ی له‌ خانه‌قین خۆپێشاندان بۆ گەڕانه‌وه‌ی هێزی پێشمه‌رگه‌ بۆ ئه‌و ناوچانه‌ ده‌ست پێ ده‌كات و خه‌ڵكی خانه‌قین مان ده‌گرن و دووكانه‌كانیان داده‌خه‌ن .

 
"زیاتر له ‌20 هه‌زار په‌نابه‌ر گه‌ڕاونه‌ته‌وه‌ عێراق و هه‌رێم"

WEDNESDAY, 20 JUNE 2018 16:06:22

هه‌ولێر-KDP.info- به‌ڕێوەبه‌ری كۆچ و كۆچبه‌ران گوتی، له‌ شه‌ڕی داعش و قه‌یرانی داراییدا شه‌پۆلێكی كۆچكردن له‌ هه‌رێمی كوردستانەوە بۆ ده‌ره‌وه‌ ده‌ستی پێ كرد، به‌ڵام له‌ دوای كۆتاییهاتنی شەڕی داعش كۆچكردن پێچه‌وانه‌ بووەته‌وه‌، به‌ جۆرێك له‌ دوو ساڵی ڕابردوودا زیاتر له‌20 هه‌زار كه‌س گه‌ڕاونه‌ته‌وه‌ بۆ عێراق، كه‌ 39%یان په‌نابه‌ری هه‌رێمی كوردستانن و گه‌ڕاونه‌ته‌وه‌ هه‌رێم و به‌رنامه‌یه‌كیشیان داناوه‌ هه‌ر ئاواره‌یه‌ك بگه‌ڕێته‌وه‌ هاوكاریی دارایی پێشكه‌ش ده‌كرێت.

 


 
© 2018 Kurdistan Democratic Party, KDP