Kurdî  ■  كوردی  ■  عربي
SAT, 25 NOV 2017 14:23 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئازاد تۆفیق: قسەكانی سەرۆكی هەرێم زۆر گرینگ و لە جێگای خۆیدا بوون
| KDP.info


 

سلێمانی-KDP.info- ئەندامێكی مەكتەبی ڕاگەیاندنی یەكێتیی نیشتمانی كوردستان، كۆبوونەوەی  سەرۆكی هەرێمی كوردستان لەگەڵ ئەندامانی پەرلەمانی یەكێتیی ئەورووپا بە سەردانێكی دیپلۆماسیی سەركەوتوو ناو دەبات و ده‌ڵێ، زۆرگەشبینم بە پشتگیریی ئەورووپاییەكان بۆ ئاییندەی كوردستان".

(ئازاد تۆفیق)، ئەندامی مەكتەبی ڕاگەیاندنی یەكێتیی نیشتیمانیی كوردستان، بۆ ماڵپەڕی پارتی دیموكراتی كوردستان گوتی: "وەك جەنابی (كاك مەسعوود) لە كۆبوونەوەكەی لەگەڵ ئەندامانی پەرلەمانی یەكێتیی ئەورووپادا گوتی، ئەگەر پشتگیرییشمان ناكەن، دژایەتیمان مەكەن. من وەك چاودێرێك ئەوەی لە كۆبوونەوەكەی شاندی باڵای ڕیفراندۆم و پەرلەمانتارانی یەكێتیی ئەورووپا بینیم، زۆرگەشبینم بە پشتگیریی ئەورووپاییەكان لە ئاییندەی كوردستان، نەك دژایەتیمان بكەن".

(تۆفیق) گوتیشی: "قسەكانی جەنابی سەرۆكی هەرێم لە پەرلەمانی یەكێتیی ئەورووپا زۆر گرینگ و لە جێگای خۆیدا بوون، سەردانەكەی شاندی باڵای ڕیفراندۆم زۆر سەركەوتووە لە هەوڵە دیپلۆماسیەكان بۆ پشتگیریی ئەورووپاییەكان لە چارەنووسی ڕیفراندۆم و سەربەخۆیی كوردستان."

ئەو ئەندامەی مەكتەبی ڕاگەیاندنی یەكێتی ده‌شڵێ: "ئەورووپا حیرفێكی گەورەی نێودەوڵەتییە لە جیهاندا كە چەندین وڵات لە خۆی دەگرێت، پەرلەمانێكیان پێك هێناوە، كە بیرۆكەی نوێی كایەی سیاسی لە ئەورووپاوە سەر هەڵدەدات، بۆیە پشتگیریی یەكێتیی ئەورووپا بۆ سەربەخۆیی كوردستان، زۆر گرینگە".

(ئازاد تۆفیق) گوتیشی: "بەشێك لە وڵاتانی عەرەبی پشتگیریی سەربەخۆیی كوردستان دەكەن، بەشێكیشیان بێدەنگ دەمێننەوە و دژایەتیمان ناكات، هەیشیانە هەڵوێستی نەرێنیی دەبێت".

هەرێمی كوردستان ڕۆژی 25ـی ئەیلوولی ئەمساڵ دەنگ بە ڕیفراندۆم و سەربەخۆیی كوردستان دەدات و، لە ئێستایشدا شاندێكی باڵای ڕیفراندۆمی كوردستان بە سەرۆكایەتیی سەرۆكی كوردستان، لە ئەورووپایە بۆ بەدەستهێنانی پشتگیریی ئەورووپاییەكان بۆ سەربەخۆیی كوردستان.

 

هێڤار هه‌ڵه‌بجه‌یی




دوایین هەواڵەکان

موسەننا ئەمین: به‌و دەستووره‌ی پڕوپاگەندەی جێبەجێكردنی دەكه‌ن، بە كەمتر لە ١٧% رازی نابین

SATURDAY, 25 NOVEMBER 2017 12:11:34
هەولێر-KDP.info- سەرۆكی فڕاكسیۆنی یەكگرتووی ئیسلامی لە پەرلەمانی عێراق ئاماژە بۆ ئەوە دكات، ئەگەر بەغدا دەیەوێ یاسا و دەستوور جێبەجێ بكات، پێویستە لەوەوە دەست پێ بكات بەشەبوودجە و مووچەی خەڵكی كوردستان رەوانە بكات. دەشڵێ، "بە ھەموولایەكمان راگەیاندووە بە كەمتر لە ١٧% رازی نابین و مافی خەڵكی كوردستانە بەپێی دەستوورێك كە عێراق پڕوپاگەندەی جێبەجێكردنی دەكات".
 
تۆزەکەی سەر دەستووری عێراق به‌مزووانه‌ لا ده‌برێت؟

SATURDAY, 25 NOVEMBER 2017 12:11:05

هه‌ولێر-KDP.info-  کۆمەڵگای نێودەوڵەتی، حکوومەتەکانی بەغدا و هەولێر هان دەدەن لەسەر بنەمای دەستوور دەست بە دانوستان بکەنەوە، بەڵام دیار نییە بەپێی شرۆڤه‌ی کام لایەن لە دەستوور ئەو پرۆسەیە دەست پێیکەن. سەرەڕای هاندانی نێودەوڵەتی، پەرلەمانتارێکی کورد پێی وایە، تا هەڵبژاردنی داهاتوو بەغدا و هەولێر لە دەوری مێزێک کۆ نابنەوە.

 
بەڕێوەبەری كشتوكاڵی كەركووك: زەوی لە كورد وەردەگیرێتەوە و دەدرێتەوە عەرەبەكان

SATURDAY, 25 NOVEMBER 2017 12:11:10
كەركووك-KDP.info- بەڕێوەبەری كشتوكاڵی كەركووك دەڵێ، ئەو عەرەبانەی پێشتر گرێبەستی زەوییەكانیان ھەڵوەشاوەتەوە كە موڵكی كورد بوون، ئێستا جارێكی دیكە گەڕاونەتەوە سەر زەوییەكان و لە كوردی وەردەگرنەوە، بە جۆرێك جارێكی دیكە بەعەرەبكردن بە شێوەیەكی زەق لە كەركووك زیندوو كراوەتەوە.
 
موراد ئاغا: ھەشت كەس كوژراون.. زانیاری ھەیە كه‌ چەند گرووپێكی شیعەن

SATURDAY, 25 NOVEMBER 2017 12:11:34
خانەقین-KDP.info- ئەندامێكی ئەنجوومەنی شارۆچكەی خانەقین ڕایدەگەیێنێت، دوای نەمانی ھێزی پێشمەرگە لە ناوچەكە، ئێستا چەندان گرووپی شیعە پەیدا بوونە و خەڵكی كورد و سوننە دەكەنە ئامانج، تەنیا لە چەند رۆژی رابردوویشدا، ھەشت كەس كوژراون.
 
سەرحان سلێڤانەیی: به‌غدا زانی هه‌ڵه‌ی كردووه‌، بۆیه‌ به‌ بەشەبوودجەی ھەرێمدا ده‌چێته‌وه‌

SATURDAY, 25 NOVEMBER 2017 11:11:02

بەغدا-KDP.info-  ئەندامێكی لیژنەی دارایی لە پەرلەمانی عێراق دەڵێت، حكوومەتی عێراق گۆڕانكاری لە پڕۆژەیاسای بوودجەدا دەكات و رەنگە بیكاتەوە ١٧%، چونكە بە ھۆی گوشاری كەسانێكەوە بەشەبوودجەی ھەرێم كەم كراوەتەوە، ئێستایش حكوومەتی عێراق دەزانێت سەر ناگرێت، بۆیە وەكوو خۆی لێ دەكاتەوە.

 


 
© 2017 Kurdistan Democratic Party, KDP