Kurdî  ■  كوردی  ■  عربي
SAT, 25 NOV 2017 14:22 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

وه‌زاره‌تی پێشمەرگە: نوێترین نەخۆشخانە دروست دەكەین.. ئامادەكاریمان بۆ شەڕی حەویجە كردووە
| KDP.info


 

هەولێر-KDP.info- بەرپرسی دەزگای تەندروستیی پێشمەرگە رایدەگەیێنێت، ئامادەكارییان بۆ شەڕی حەویجە كردووە ‌و، چەندین تیمی پزیشكی ‌و نەخۆشخانەی گەڕۆكیان ئامادە كردوون.

(د. شەماڵ جەبار یاوەر)، لە كۆنگرەیەكی رۆژنامەوانیدا راگەیاند: "تیمەكانمان لە بەرەكانی شەڕدا بەردەوامن لە پێشكەشكردنی خزمەتگوزارییە تەندروستییەكان بۆ هێزەكانی پێشمەرگە".

بەرپرسی دەزگای تەندروستیی پێشمەرگە گوتیشی: "ئامادەكاریمان بۆ شەڕی حەویجە كردووە‌ و چەندین تیمی پزیشكی ‌و نەخۆشخانەی گەڕۆكمان ئامادە كردوون".

(یاوەر) روونیشی كردەوە: "تیمەكانی تەندروستی لە سەنگەرەكانی پێشمەرگە بەردەوامن لە كارەكانیان بۆ ئەوەی گیانی تەواوی پێشمەرگە قارەمانەكان بپارێزن و، نوێترین نەخۆشخانەی فریاكەوتنیش دروست دەكەین".

لەبارەی نەخۆشیی "لیشمانە"ـیش كە ماوەیەك لەمەوبەر لەنێو بەشێك لە هێزەكانی پێشمەرگە بڵاو ببووەوە، گوتی: "هەزار و 200 پێشمەرگە تووشی نەخۆشی "لیشمانە" ببوون، خۆشبەختانە  لە ئێستادا نەخۆشییەكە بە تەواوەتی چارەسەر كراوە".

 

هەڵكەوت محەممەد




دوایین هەواڵەکان

موسەننا ئەمین: به‌و دەستووره‌ی پڕوپاگەندەی جێبەجێكردنی دەكه‌ن، بە كەمتر لە ١٧% رازی نابین

SATURDAY, 25 NOVEMBER 2017 12:11:34
هەولێر-KDP.info- سەرۆكی فڕاكسیۆنی یەكگرتووی ئیسلامی لە پەرلەمانی عێراق ئاماژە بۆ ئەوە دكات، ئەگەر بەغدا دەیەوێ یاسا و دەستوور جێبەجێ بكات، پێویستە لەوەوە دەست پێ بكات بەشەبوودجە و مووچەی خەڵكی كوردستان رەوانە بكات. دەشڵێ، "بە ھەموولایەكمان راگەیاندووە بە كەمتر لە ١٧% رازی نابین و مافی خەڵكی كوردستانە بەپێی دەستوورێك كە عێراق پڕوپاگەندەی جێبەجێكردنی دەكات".
 
تۆزەکەی سەر دەستووری عێراق به‌مزووانه‌ لا ده‌برێت؟

SATURDAY, 25 NOVEMBER 2017 12:11:05

هه‌ولێر-KDP.info-  کۆمەڵگای نێودەوڵەتی، حکوومەتەکانی بەغدا و هەولێر هان دەدەن لەسەر بنەمای دەستوور دەست بە دانوستان بکەنەوە، بەڵام دیار نییە بەپێی شرۆڤه‌ی کام لایەن لە دەستوور ئەو پرۆسەیە دەست پێیکەن. سەرەڕای هاندانی نێودەوڵەتی، پەرلەمانتارێکی کورد پێی وایە، تا هەڵبژاردنی داهاتوو بەغدا و هەولێر لە دەوری مێزێک کۆ نابنەوە.

 
بەڕێوەبەری كشتوكاڵی كەركووك: زەوی لە كورد وەردەگیرێتەوە و دەدرێتەوە عەرەبەكان

SATURDAY, 25 NOVEMBER 2017 12:11:10
كەركووك-KDP.info- بەڕێوەبەری كشتوكاڵی كەركووك دەڵێ، ئەو عەرەبانەی پێشتر گرێبەستی زەوییەكانیان ھەڵوەشاوەتەوە كە موڵكی كورد بوون، ئێستا جارێكی دیكە گەڕاونەتەوە سەر زەوییەكان و لە كوردی وەردەگرنەوە، بە جۆرێك جارێكی دیكە بەعەرەبكردن بە شێوەیەكی زەق لە كەركووك زیندوو كراوەتەوە.
 
موراد ئاغا: ھەشت كەس كوژراون.. زانیاری ھەیە كه‌ چەند گرووپێكی شیعەن

SATURDAY, 25 NOVEMBER 2017 12:11:34
خانەقین-KDP.info- ئەندامێكی ئەنجوومەنی شارۆچكەی خانەقین ڕایدەگەیێنێت، دوای نەمانی ھێزی پێشمەرگە لە ناوچەكە، ئێستا چەندان گرووپی شیعە پەیدا بوونە و خەڵكی كورد و سوننە دەكەنە ئامانج، تەنیا لە چەند رۆژی رابردوویشدا، ھەشت كەس كوژراون.
 
سەرحان سلێڤانەیی: به‌غدا زانی هه‌ڵه‌ی كردووه‌، بۆیه‌ به‌ بەشەبوودجەی ھەرێمدا ده‌چێته‌وه‌

SATURDAY, 25 NOVEMBER 2017 11:11:02

بەغدا-KDP.info-  ئەندامێكی لیژنەی دارایی لە پەرلەمانی عێراق دەڵێت، حكوومەتی عێراق گۆڕانكاری لە پڕۆژەیاسای بوودجەدا دەكات و رەنگە بیكاتەوە ١٧%، چونكە بە ھۆی گوشاری كەسانێكەوە بەشەبوودجەی ھەرێم كەم كراوەتەوە، ئێستایش حكوومەتی عێراق دەزانێت سەر ناگرێت، بۆیە وەكوو خۆی لێ دەكاتەوە.

 


 
© 2017 Kurdistan Democratic Party, KDP