Kurdî  ■  كوردی  ■  عربي
THU, 21 JUN 2018 09:44 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

شاندێکی باڵای حکوومەتی ناوەند لەگەڵ حکوومەتی هەرێم کۆدەبنەوە
| KDP.info


هەولێر-KDP.info-  ئەمڕۆ لە کۆبوونەوەی شاندی باڵای حکوومەتی ناوەند لەگەڵ حکوومەتی هەرێمی کوردستاندا هه‌ردوولا ئاماده‌ییى خۆیان بۆ كردنه‌وه‌ى لاپه‌ڕه‌یه‌كى نوێ و به‌رده‌وامیى گفتوگۆ بۆ چاره‌كردنى كێشه‌كان ده‌ربڕى، هه‌روه‌ها گفتوگۆ لەبارەی پێکهێنانی کۆمیتەیەکی هاوبەش کرا بەمەبەستی برەودان و  چۆنیەتیی ڕێکخستنەوەی هاماهەنگیی نێوان بەغدا و هەولێر لە بواری نەوت و کارەبا بەجۆرێک کە بەرژەوەندیی هەموو گەلانی عیراق لەبەرچاو بگیرێت.

پێش نیوەڕۆی ئەمڕۆ ١٢/٧/٢٠١٧ (نێچیرڤان بارزانی) سەرۆکوه‌زیرانی هه‌رێمی كوردستان، لە هەولێر، بە ئامادەبوونی (قوباد تاڵەبانی) جێگری سەرۆکوەزیران، پێشوازی لە شاندێکی باڵای حکوومەتی عیراقی فیدراڵ كرد کە لە وەزیرانی نەوت، کارەبا، کشتوکاڵ، پەروەردە، سەرۆکی دیوانی چاودێریی دارایی و بریکاری وه‌زاره‌تى نەوتی عیراق پێکهاتبوون.

سەرەتای کۆبونەوەکە سەرۆکوەزیران بەبۆنەی ئازادکردنەوەی مووسڵ پیرۆزبایی لە گەلانی عیراق کرد و ئاماژه‌ى به‌وه‌ دا كه‌ هەموو لایەک بە ئازادکردنی مووسڵ سوودمەند دەبین و دەبێت هەمووان هاوکار بن بۆ قۆناغی دوای داعش و ئاساییکردنەوەی ڕەوشی هاووڵاتیانی ئەو ناوچانە و گێڕانەوەی ئاوارەکان بۆ زێدی خۆیان.

دواتر باس لە پەیوەندییەکانی نێوان هەرێمی کوردستان و ناوەند بۆ قۆناغی دوای داعش کرا بەتایبەتی لەو ناوچانەی پێشتر داگیر کرابوون و ئێستا پێویستییان بە ئاوەدانكردنه‌وه‌ و خزمەتگوزارییە، لەو بارەیەوە حکوومەتی هەرێم ئامادەییی خۆی نیشان دا هەروەک چۆن دەرگای واڵا کردبوو بۆ هاتنی ئاوارە و دابینکردنی ژیانی ئاسایی بۆ ئەو هاووڵاتیانە، ئاوهاش هەماهەنگ دەبن لە گێڕانەوە و بووژاندنەوەی ژیان لەو شوێنانەی زەرەرمەند بوون. شاندی میوانیش سوپاسی حکوومەتی هەرێمی کوردستانیان کرد بۆ ئەو ئامادەییەی نیشانیان دا بۆ هەماهەنگی و هاوکاری له‌گه‌ڵ حکوومەتی عێراق.

لە کۆبونەوەکه‌دا هه‌ردوولا ئاماده‌ییى خۆیان بۆ كردنه‌وه‌ى لاپه‌ڕه‌یه‌كى نوێ و به‌رده‌وامیى گفتوگۆ بۆ چاره‌كردنى كێشه‌كان ده‌ربڕى، هه‌روه‌ها گفتوگۆ لەبارەی پێکهێنانی کۆمیتەیەکی هاوبەش کرا بەمەبەستی برەودان و  چۆنیەتیی ڕێکخستنەوەی هاماهەنگیی نێوان بەغدا و هەولێر لە بواری نەوت و کارەبا بەجۆرێک کە بەرژەوەندیی هەموو گەلانی عیراق لەبەرچاو بگیرێت.

وەزیری سامانە سروشتییەکانی هەرێم، وەزیری پلاندانان، وەزیری پەروەرده‌، وتەبێژی حکوومەتی هەرێمى كوردستان، بریکاری وه‌زاره‌تی دارایی و ئابووری به وه‌کاله‌ت، بریکاری وەزارەتی کارەبا و سکرتێری ئەنجومەنی وەزیرانی هەرێم، ئامادەی کۆبوونه‌كه‌ بوون.
 




دوایین هەواڵەکان

وەزارەتى خوێندنى باڵا، لیستى زانکۆ باوەڕپێکراوەکانى تورکیا و ئێرانی بڵاو كرده‌وه‌

THURSDAY, 21 JUNE 2018 00:06:18

هه‌ولێر-KDP.info-  وەزارەتى خوێندنى باڵا و توێژینەوەى زانستیى حکوومەتى هەرێمى کوردستان پێداچوونەوەى بە لیستى زانکۆ باوەڕپێکراوەکانى وڵاتانى (تورکیا – ئێران) کرد و لیستێکى نوێی بڵاو كرده‌وه‌.

 
مه‌كته‌بی سه‌رۆك سه‌رخۆشی له‌ شاخەوان غەریب ده‌كات

THURSDAY, 21 JUNE 2018 00:06:05

بەناوی خودای گەورە و میهرەبان

به‌ڕێز شاخەوان غەریب

بەبیستنی هه‌واڵی كۆچی دوایی كاكە(شڤان)ـی كوڕت خەمبار بووین.

پارتی سه‌رخۆشی له‌ خانەوادەی مەلا حاجی دێلۆیی ده‌كات

THURSDAY, 21 JUNE 2018 00:06:33

بەڕێزان خانەوادەی مەلا حاجی دێلۆیی

خەمبار بووین بە بیستنی هەواڵی کۆچی دوایی پێشمەرگەی هەدوو شۆڕشی مەزنی ئەیلوول و گوڵان، کادیری تێکۆشەر و دڵسۆزی پارتی و رێبازی بارزانی، ئەندامی مەکتەبی رێکخستن و کەسایەتیی دیاری دەڤەری پشدەر (مەلا حاجی دێلۆیی).

"بۆ گەڕانه‌وه‌ی پێشمه‌رگه‌ بۆ سنووری خانه‌قین سبه‌ی خۆپێشاندان دەکرێ"

WEDNESDAY, 20 JUNE 2018 16:06:14

خانه‌قین-KDP.info-  به ‌هۆی ئه‌وه‌ی مه‌ترسییه‌كی گه‌وره‌ له‌سه‌ر خانه‌قین هه‌یه‌ و به‌رده‌وام كرده‌وه‌ی تیرۆریستی لێ ئه‌نجام ده‌درێت و چه‌ندین گوند به‌و هۆیه‌وه‌ چۆڵ كراون و خه‌ڵكێكی زۆر بوونەته‌ قوربانی. عامر رەفعەت دەڵێ، ئیدی سبه‌ی له‌ خانه‌قین خۆپێشاندان بۆ گەڕانه‌وه‌ی هێزی پێشمه‌رگه‌ بۆ ئه‌و ناوچانه‌ ده‌ست پێ ده‌كات و خه‌ڵكی خانه‌قین مان ده‌گرن و دووكانه‌كانیان داده‌خه‌ن .

 
"زیاتر له ‌20 هه‌زار په‌نابه‌ر گه‌ڕاونه‌ته‌وه‌ عێراق و هه‌رێم"

WEDNESDAY, 20 JUNE 2018 16:06:22

هه‌ولێر-KDP.info- به‌ڕێوەبه‌ری كۆچ و كۆچبه‌ران گوتی، له‌ شه‌ڕی داعش و قه‌یرانی داراییدا شه‌پۆلێكی كۆچكردن له‌ هه‌رێمی كوردستانەوە بۆ ده‌ره‌وه‌ ده‌ستی پێ كرد، به‌ڵام له‌ دوای كۆتاییهاتنی شەڕی داعش كۆچكردن پێچه‌وانه‌ بووەته‌وه‌، به‌ جۆرێك له‌ دوو ساڵی ڕابردوودا زیاتر له‌20 هه‌زار كه‌س گه‌ڕاونه‌ته‌وه‌ بۆ عێراق، كه‌ 39%یان په‌نابه‌ری هه‌رێمی كوردستانن و گه‌ڕاونه‌ته‌وه‌ هه‌رێم و به‌رنامه‌یه‌كیشیان داناوه‌ هه‌ر ئاواره‌یه‌ك بگه‌ڕێته‌وه‌ هاوكاریی دارایی پێشكه‌ش ده‌كرێت.

 


 
© 2018 Kurdistan Democratic Party, KDP