Kurdî  ■  كوردی  ■  عربي
SAT, 25 NOV 2017 14:23 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نێچیرڤان بارزانی و مه‌لالا یوسفزای ڕه‌وشی ئافره‌تانی كوردستان تاوتوو ده‌كه‌ن
| KDP.info


هەولێر-KDP.info-  ئێواره‌ی ئه‌مڕۆ سێشه‌ممه‌ ١١-٧-٢٠١٧  (نێچیرڤان بارزانی) سه‌رۆكوه‌زیرانی هه‌رێمی كوردستان، پێشوازی له‌ خاتوو مه‌لالا یوسفزای‌ خاوه‌نی خه‌ڵاتی نۆبڵ بۆ ئاشتی و دامه‌زرێنه‌ری دامه‌زراوه‌ی مه‌لالا فه‌ند بۆ كاروباری خێرخوازی و پشتگیری له‌ په‌روه‌رده‌ی ئافره‌تان و شاندێكی یاوه‌ری كرد.

له‌ دیدارێكدا خاتوو مه‌لالا خۆشحاڵیی خۆی به‌ یه‌كه‌م سه‌ردانی بۆ هه‌رێمی كوردستان ده‌ربڕی كه‌ له‌م ساڵانه‌ی دواییدا ڕووبه‌ڕووی توندڕه‌وی بووه‌ته‌وه‌ و بووه‌ته‌ په‌ناگه‌یه‌كی ئارام بۆ نزیكه‌ی دوو ملیۆن په‌نابه‌ر و ئاواره‌ی ده‌ستی تیرۆر، هه‌روه‌ها پێكه‌وه‌ژیان و لێبورده‌ییی هه‌رێمی كوردستانی به‌رز نرخاند و پوخته‌یه‌كیشی ده‌رباره‌ی سه‌ردانه‌كانی بۆ كه‌مپی ئاواره‌ و په‌نابه‌ران له‌ هه‌رێمی كوردستان و پرۆگرامی ڕۆژانی داهاتووی كار و چالاكییه‌كانی له‌ كه‌مپه‌كان خسته‌ ڕوو كه‌ ژماره‌یه‌كی زۆری ئه‌و كچ و ئافره‌تانه‌ تیایدا گیرساونه‌ته‌وه‌‌ ئه‌وانه‌ی له‌لایه‌ن تیرۆرستانه‌وه‌ ڕووبه‌ڕووی توندوتیژی بوونه‌ته‌وه.

دووپاتیشی كرده‌وه‌ كه‌ ڕێكخراوه‌كه‌ی هه‌وڵ ده‌دات له‌گه‌ڵ لایه‌نه‌ په‌یوه‌ندیداره‌كانی حكوومه‌تی هه‌رێمی كوردستان و ڕێكخراوه‌ ناحكوومییه‌كان له‌ بواری په‌روه‌رده‌ و پێگه‌یاندندا هاوكاریی كچ و ئافره‌تانی كوردستان له‌ناو كه‌مپ و شاره‌كاندا بكات، كورته‌یه‌كیشی ده‌رباره‌ی ئه‌و ئاسته‌نگ و گرفتانه‌ پێشكه‌ش كرد كه‌ ڕووبه‌ڕووی خودی خۆی بوونه‌ته‌وه‌.

لای خۆیه‌وه‌ سه‌رۆكوه‌زیرانی هه‌رێمی كوردستان سوپاسی ئه‌و سه‌ردانه‌ی و ده‌ستخۆشی له‌ كار و چالاكییه‌كانی كرد و هیوای سه‌ركه‌وتنی بۆ خواست، هه‌روه‌ها بوێری و توانای به‌ڕێزیانی به‌رز نرخاند كه‌ وه‌ك كچێك له‌ژێر سیسته‌مێكی توندڕۆی دوور له‌ به‌ها مرۆییه‌كاندا توانی ڕووبه‌ڕووی ئه‌و زوڵم و سته‌مه‌ ببێته‌وه‌ و ده‌نگی ‌ملیۆنه‌ها كچی وه‌ك خۆی بگه‌یه‌نێته‌ جیهان و ببێته‌ نمونه‌یه‌كی جوان و باڵیۆزێكی سه‌ركه‌وتوو له‌ كاره‌كانیدا و پشتگیریی حكوومه‌تی هه‌رێمی كوردستانی بۆ هه‌ر هاوكاری و هه‌ماهه‌نگییه‌ك نیشان دا.
باسی له‌و ڕووداوه‌ نه‌خوازراوانه‌ش كرد كه‌ له‌لایه‌ن تیرۆرستانه‌وه‌ ده‌رهه‌ق به‌ كچ و ئافره‌تانی ئێزدی و مه‌سیحی و پێكهاته‌كانی دیكه‌ی عیراق و كوردستان ئه‌نجام دراون كه‌‌ حكوومه‌تی هه‌رێمی كوردستان توانیویه‌تی تا ئێستا زیاتر له‌ نیوه‌ی ئه‌و كچ و ئافره‌تانه‌ ئازاد بكات ئه‌وانه‌ی‌ له‌لایه‌ن تیرۆرستانی داعشه‌وه‌ ڕفێنراون و له‌ هه‌وڵه‌كانیان بۆ ڕزگاركردنی ئه‌وانی دیكه‌ش به‌رده‌وام ده‌بن. دووپاتیشی كرده‌وه‌ كه‌ له‌ڕووی په‌روه‌رده‌وه‌ هه‌رێمی كوردستان پێشكه‌وتنی به‌رچاوی به‌خۆیه‌وه‌ بینیوه‌ به‌تایبه‌تی له‌ بواری فه‌راهه‌مكردنی په‌روه‌رده‌ بۆ ئاواره‌ و په‌نابه‌رانی ده‌ستی تیرۆر و دابینكردنی زمانی دایك بۆ نه‌ته‌وه‌ جیاوازه‌كان.

پوخته‌یه‌كیشی ده‌رباره‌ی یه‌كسانی له‌ نێوان ئافره‌ت و پیاواندا له‌ ده‌زگاكانی هه‌رێمی كوردستان خسته‌ڕوو و پشتگیریی ته‌واوی خۆی بۆ خاتوو مه‌لالا و ڕێكخراوه‌كه‌ی ده‌ربڕی و به‌ پێویستی زانی هه‌ماهه‌نگیی ڕێكخراوه‌كه‌یان له‌گه‌ڵ ئه‌نجومه‌نی باڵای خانمان و ده‌زگا په‌یوه‌ندیداره‌كانی حكوومه‌ت و ڕێكخراوه‌كانی تایبه‌ت به‌ ئافره‌تان له‌ هه‌رێمی كوردستان به‌مه‌به‌ستی باشتركردنی ئه‌و خزمه‌نگوزارییانه‌ی له‌لایه‌ن حكوومه‌ت و ڕێكخراوه‌ ناحكوومییه‌كانه‌وه‌ پێشكه‌ش به‌ ئاواره و په‌نابه‌ره‌‌كان ده‌كرێن به‌تایبه‌تی ئه‌وانه‌ی كه‌ پێشبینی ده‌كرێت تا ماوه‌یه‌كی درێژ نه‌توانن بگه‌ڕێنه‌وه‌ سه‌ر زێدی خۆیان.
 




دوایین هەواڵەکان

موسەننا ئەمین: به‌و دەستووره‌ی پڕوپاگەندەی جێبەجێكردنی دەكه‌ن، بە كەمتر لە ١٧% رازی نابین

SATURDAY, 25 NOVEMBER 2017 12:11:34
هەولێر-KDP.info- سەرۆكی فڕاكسیۆنی یەكگرتووی ئیسلامی لە پەرلەمانی عێراق ئاماژە بۆ ئەوە دكات، ئەگەر بەغدا دەیەوێ یاسا و دەستوور جێبەجێ بكات، پێویستە لەوەوە دەست پێ بكات بەشەبوودجە و مووچەی خەڵكی كوردستان رەوانە بكات. دەشڵێ، "بە ھەموولایەكمان راگەیاندووە بە كەمتر لە ١٧% رازی نابین و مافی خەڵكی كوردستانە بەپێی دەستوورێك كە عێراق پڕوپاگەندەی جێبەجێكردنی دەكات".
 
تۆزەکەی سەر دەستووری عێراق به‌مزووانه‌ لا ده‌برێت؟

SATURDAY, 25 NOVEMBER 2017 12:11:05

هه‌ولێر-KDP.info-  کۆمەڵگای نێودەوڵەتی، حکوومەتەکانی بەغدا و هەولێر هان دەدەن لەسەر بنەمای دەستوور دەست بە دانوستان بکەنەوە، بەڵام دیار نییە بەپێی شرۆڤه‌ی کام لایەن لە دەستوور ئەو پرۆسەیە دەست پێیکەن. سەرەڕای هاندانی نێودەوڵەتی، پەرلەمانتارێکی کورد پێی وایە، تا هەڵبژاردنی داهاتوو بەغدا و هەولێر لە دەوری مێزێک کۆ نابنەوە.

 
بەڕێوەبەری كشتوكاڵی كەركووك: زەوی لە كورد وەردەگیرێتەوە و دەدرێتەوە عەرەبەكان

SATURDAY, 25 NOVEMBER 2017 12:11:10
كەركووك-KDP.info- بەڕێوەبەری كشتوكاڵی كەركووك دەڵێ، ئەو عەرەبانەی پێشتر گرێبەستی زەوییەكانیان ھەڵوەشاوەتەوە كە موڵكی كورد بوون، ئێستا جارێكی دیكە گەڕاونەتەوە سەر زەوییەكان و لە كوردی وەردەگرنەوە، بە جۆرێك جارێكی دیكە بەعەرەبكردن بە شێوەیەكی زەق لە كەركووك زیندوو كراوەتەوە.
 
موراد ئاغا: ھەشت كەس كوژراون.. زانیاری ھەیە كه‌ چەند گرووپێكی شیعەن

SATURDAY, 25 NOVEMBER 2017 12:11:34
خانەقین-KDP.info- ئەندامێكی ئەنجوومەنی شارۆچكەی خانەقین ڕایدەگەیێنێت، دوای نەمانی ھێزی پێشمەرگە لە ناوچەكە، ئێستا چەندان گرووپی شیعە پەیدا بوونە و خەڵكی كورد و سوننە دەكەنە ئامانج، تەنیا لە چەند رۆژی رابردوویشدا، ھەشت كەس كوژراون.
 
سەرحان سلێڤانەیی: به‌غدا زانی هه‌ڵه‌ی كردووه‌، بۆیه‌ به‌ بەشەبوودجەی ھەرێمدا ده‌چێته‌وه‌

SATURDAY, 25 NOVEMBER 2017 11:11:02

بەغدا-KDP.info-  ئەندامێكی لیژنەی دارایی لە پەرلەمانی عێراق دەڵێت، حكوومەتی عێراق گۆڕانكاری لە پڕۆژەیاسای بوودجەدا دەكات و رەنگە بیكاتەوە ١٧%، چونكە بە ھۆی گوشاری كەسانێكەوە بەشەبوودجەی ھەرێم كەم كراوەتەوە، ئێستایش حكوومەتی عێراق دەزانێت سەر ناگرێت، بۆیە وەكوو خۆی لێ دەكاتەوە.

 


 
© 2017 Kurdistan Democratic Party, KDP