بەناوی خودای بەخشندە و میهرەبان
زۆر بە توندی ئیدانەی پەلامارە تیرۆریستییەکەی ڕۆژی چوارشەممە ٧/٦/٢٠١٧-ی شاری تاران دەكەم و بەم بۆنە خەمناكەوە سەرەخۆشی لە گەل و حكوومەتی كۆماری ئیسلامیی ئێران و كەسوكاری قوربانیانی ئەو كردەوە تیرۆریستییە دەكەم. تیرۆر دوژمنی هاوبەشی گەلانی ناوچەكە و دژی هەموو بەها ئاسمانی و مرۆڤییەكانە. ڕووبەڕووبوونەوەیشی هەوڵێكی هەمەلایەنەی وڵاتانی پێویستە و ئەركی سەر شانی هەموو لایەكە. گەلی كوردستان كە خۆی قوربانیی دەستی تیرۆرە لە سەنگەری پێشەوەی دژایەتیكردنی تیرۆرە. هیوادارم بە هەماهەنگیی هەموو لایەك تیرۆر بنبڕ بكرێت و ناوچەكە و جیهان لەو دوژمنە دڕندەیە ڕزگار ببن.
مەسعوود بارزانی
٧-ی٦-ی٢٠١٧