Kurdî  ■  كوردی  ■  عربي
FRI, 24 NOV 2017 01:02 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

عەبدولسەلام بەرواری: ئوردن لە کاتی ڕاگەیاندنی سەربەخۆییی کوردستاندا ھاوکاریمان دەکات
| KDP.info


هەولێر-KDP.info-  شرۆڤەکاری سیاسی، (عەبدولسەلام بەرواری) ئاماژە بە گرینگیی سەردانی (سەرۆک بارزانی) بۆ وڵاتی ئوردن و بەشدارییان لە کۆڕبەندی ئابووریی دەریای مردوودا دەکات و دەڵێت، لە سەردانەکەیدا، سەرۆکی ھەرێمی کوردستان ژمارەیەک دیدار و چاوپێکەوتنی گرینگی لەگەل سەرۆک و سەرکردەکانی جیھان، کە لەو کۆڕبەندەدا بەشدارن، دەبێت و دەشڵێت، ئوردن بۆ ھەرێمی کوردستان گرینگە و بۆ پرسی سەربەخۆییی کوردستان ھاوکارمان دەبێت.

(عەبدولسەلام بەرواری)، شرۆڤەکاری سیاسی بە ماڵپەڕی فەرمیی پارتی دیموکراتی کوردستانی ڕاگەیاند: ''سەردانی (سەرۆک بارزانی) بۆ وڵاتی ئوردن و بەشداریی لە کۆڕەندی ئابووریی دەریای مردوودا یەکەمجار نییە و بێگومان بەشداریی سەرۆکی ھەرێمی کوردستان لە زۆر لایەنەوە گرینگیی خۆی هەیە، چونکە پێشتریش لە کاتی بەشداریکردنی لە کۆڕبەند و کۆڕوکۆبوونەوە جیھانییەکاندا، (سەرۆک بارزانی) دەرفەتەکەی بۆ زنجیرەیەک دیدار و کۆبوونەوەی گرینگ لەگەڵ سەرۆک و کاربەدەستە باڵاکانی جیھان بەکار هێناوە، سەردانی ئەمڕۆی سەرۆکی ھەرێم بۆ ئوردنیش، وەک پێشوو دیداری گرینگی تێدا دەبێت و سەرۆک و سەرکردەکانی جیھان، خۆیشیان سەردانی (سەرۆک بارزانی) دەکەن و پرسەکانی وەک ڕیفڕاندۆم و شەڕی بەرەنگاربوونەوەی داعش و ڕەوشی ناوچەکە بە گشتی دانوستانی لەسەر دەکرێت.''

ئەو شرۆڤەکارە سیاسییە دەڵێت: ''خاڵێکی دیکەی سەردانی (سەرۆک بارزانی) بۆ وڵاتی ئوردن ئەوەیە، کە (ماڵی بارزانی) و خودی سەرۆک پەیوەندییەکی لەمێژینەیان لەگەڵ بنەماڵەی شای ئوردن ھەیە، ھەر لە سەردەمی (شا حسێن)ـەوە تا ئەمڕۆ، کە (شا عەبدوڵڵا)ی کۆڕی پادشایە و، نوێکردنەوەی پەیوەندییەکان کاریگەریی لەسەر داھاتووی ھەرێمی کوردستان دەبێت. بە بڕوای من، ئوردن یەکێک لەو وڵاتانە دەبێت، کە ددان بە سەربەخۆییی ھەرێمی کوردستاندا دەنێت و لەو پڕۆسەیەدا پشتگیر و ھاوکارمان دەبێت.''

(عەبدولسەلام بەرواری) ئەوەشی ڕوون کردەوە: ''ئێمە پڕۆسەیەکی گرینگ و چارەنووسسازمان لەپێشە، ئەویش پرسی ڕیفڕاندۆم و سەربەخۆییی ھەرێمی کوردستانە، ئێمە دەمانەوێت لەگەل عێراق و وڵاتانی ناوچەکە دانوستان بکەین بۆ ئەوەی پشتگیریی ھەرێمی کوردستان بکەن و بە شێوەیەکی ئاشتیانە میللەتەکەمان بڕیاری خۆی بدات، بێگومان (سەرۆک بارزانی) بۆچوون و ھەڵوێستی ھەرێمی کوردستان بۆ ئەو وڵاتانە دەخاتەڕوو، لەبەر ئەوەی دەشمانەوێ ئەوە بە وڵاتانی ناوچەکە و جیھان ڕابگەیەنین، ئەگەر لە عێراق  جیابینەوە، دەوڵەتی کوردستان لە ناوچەکەدا فاکتەرێکی گرینگی ئابووری و سیاسی دەبێت و یەکێک لە ناوچە ئارام و بێکێشەکانی ڕۆژھەڵاتی ناوەڕاست دەبێت.''

قائید میرۆ




دوایین هەواڵەکان

سه‌فین دزه‌‌یى وه‌ڵامی عه‌‌بادیی دایه‌وه‌

THURSDAY, 23 NOVEMBER 2017 20:11:35

هه‌ولێر-KDP.info-  گوته‌بێژی حكوومه‌تی هه‌رێمی كوردستان وه‌ڵامی دوالێدوانی سه‌رۆكوه‌زیرانی عێراق ده‌داته‌وه‌ و ڕایده‌گه‌یێنێ، به‌ پشتبه‌ستن به‌ بڕیاره‌كه‌ى دادگاى فیدراڵى عیراق له‌ 20/11/2017، ده‌بێت هه‌‌موو ئه‌‌و ڕێكار و ده‌‌ر‌‌ه‌‌نجام و لێكه‌‌وته‌ ناڕه‌وایانه‌ هه‌‌ڵبوه‌‌شێنرێنه‌وه‌ كه‌‌ ته‌نیا له‌ كاردانه‌‌وه‌‌ى ڕیفراندۆمدا دژى هه‌‌رێمى كوردستان له‌لایه‌ن حكوومه‌تى فیدراڵ و په‌رله‌مانى عێراقه‌وه‌ گیراونه‌ته‌ به‌ر.

 
شرۆڤەکارێکی سیاسی: هەرێم وەرەقەی بەهێزی بەرانبەر بە عێراق لەبەردەستە

THURSDAY, 23 NOVEMBER 2017 19:11:02

هەولێر-KDP.info- شرۆڤەکارێکی سیاسی ڕوونی دەکاتەوە، بە ھۆی بەڕێوەچوونی ھەڵبژاردنی داھاتووی عێراق لە وادەی خۆیدا بەغدا و (حەیدەر عەبادی) پێویستیان بە ھەرێمی کوردستان ھەیە.. دەشڵێت، ھێشتا ھەرێمی کوردستان وەرەقەی زۆر بەھێزی لەبەردەستە بۆ ئەوەی بەرانبەر مەرجەکانی بەغدا بەکاری بێنێت.

زەحمەتکێشان: بەڕوونی دیارە بەغدا نیەتی چارەکردنی کێشەکانی لەگەڵ هەولێر نییە

THURSDAY, 23 NOVEMBER 2017 17:11:18

هەولێر-KDP.info- سەرکردەیەکی حزبی زەحمەتکێشانی کوردستان ئاماژە بۆ ئەوە دەکات، بەغدا ھیچ نیەتێكی ڕژدی بۆ چارەکردنی کێشەکانی لەگەڵ ھەرێمی کوردستان نییە و دەڵێ، سەردانی شاندی حکوومەت بۆ لای ھێزە سیاسییەکان بە ھەنگاوێکی ئەرێنی دەبینین، بۆ ئەوەی بۆچوونی ھەموو لایەنەکان لەبارەی قۆناغی ئێستا وەربگیرێت.

سەرچاوەیەکی ئاگادار: شاندێکی شیعەی سیاسیی هاتوونەتە چیای شنگال

THURSDAY, 23 NOVEMBER 2017 17:11:38

شنگال-KDP.info-  سەرچاوەیەکی ئاگادار لەسەر چیای شنگال ڕایگەیاند، دوێنێ شاندێکی باڵای شیعەی سیاسی سەردانی چیای شنگالیان کردووە و بۆ کاری خزمەتگوزاری نەهاتوون، بەڵکو ئامانجێکی سیاسیان لەو سەردانەدا هەبووە.

قایمقامی خورماتوو: هەوڵێک هەیە من لە پۆستەکە لا بدەن

THURSDAY, 23 NOVEMBER 2017 15:11:33

خورماتوو-KDP.info- قایمقامی قەزای خورماتوو ئاشکرای کرد، هەوڵێک هەیە لە لایەن تورکمانەوە کە ئەو لە پۆستەکەی لا بدەن، بەتایبەت لە ڕێگەی ئەنجومەنی قەزای خورماتووەوە.

 


 
© 2017 Kurdistan Democratic Party, KDP