Kurdî  ■  كوردی  ■  عربي
WED, 16 JAN 2019 18:07 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

محەمەد خورشید: دەمانەوێ لە کەرکووک کۆدەنگی بۆ ڕیفراندۆم دروست بکەین
| KDP.info


کەرکووک-KDP.info-  بڕیارە کۆبوونەوەیەکی بەرفراوانی بەرپرسی یەکەمی لایەنە سیاسییەکان لە شاری کەرکووک بەڕێوەبچێت و بەرپرسی لقی سێی پارتیش لە کەرکووک دەڵێت، بە شێوەیەکی هێمنانە دانوستان لەگەڵ پێکهاتە و لایەنە سیاسییەکانی کەرکووک دەکرێ، بۆ ئەوەی بە سازدانی ڕیفراندۆم لە کەرکووک ڕازی بن.

(د. محەمەد خورشید)، بەرپرسی لقی سێی پارتی لە کەرکووک بە ماڵپەڕی فەرمیی پارتی دیموکراتی کوردستانی ڕاگەیاند: ''لە مانگی نیسانی ڕابردوودا لایەنە کوردستانییەکانی شاری کەرکووک لە بارەگای سەرکردایەتیی پارتیمان کۆبونەوەیەکیان بەڕێوەبرد و تێیدا بڕیار درا، شاندێک لە پەیوەندییەکانی سەرجەم حزب و لایەنە سیاسییەکانی کوردستان پێک بێت، بۆ ئەوەی سەردانی لایەن و پێکھاتەکانی دیکەی سنووری پارێزگای کەرکووک بکەن، چونکە مەبەست لە دروستکردنی شاندەکە بۆ ئەوە بوو تا بۆچوونی گشت لایەن و پێکھاتەکانی دیکەی کەرکووک دەربارەی دواڕۆژی پارێزگای کەرکووک و پێکەوەژیان و گونجان بزانین، جگە لە بزۆتنەوەی گۆڕان، کە ئامادە نییە لەگەل لایەنە سیاسییەکان دەربارەی پرسی ڕیفڕاندۆم و کەرکووک لە ھیچ کۆبونەوە و شاندێکدا بەشدار بێت، ھەموو لایەنە کوردییەکانی دیکە بەشدارن.''

بەرپرسی لقی سێی پارتی لە کەرکووک ئاماژەیشی دا: ''ھەتا ئێستا شاندی ھاوبەشی لایەنەکانی کورد بە شێوەیەکی ئاسایی سەردانەکانیان دەست پێ کردووە و سەردانی بەرەی تورکمان و پێکھاتەکانی عەرەب و چەندین لایەنی سیاسیی کەرکووکیان کردووە و ھەمووشیان پێشوازییان لە شاندی کورد کردووە و بە شێوەیەکی ھێمنانە دانوستان بەردەوامە، تا بە ھەموو لایەک بتوانین کەرکووکیش لە پرسی ڕیفڕاندۆمدا بەشدار بکەین و، کەرکووک ھەروەک ئێستا بە شاری برایەتی و پێکەوەژیان بمێنێتەوە.''

(د. محەمەد خورشید) دەشڵێت: ''ھەنگاوەکانی ئێمە لەو بارەیەوە بەردەوام دەبێت و دەمانەوێت، کۆدەنگییەک دەربارەی پڕۆسەی ڕیفڕاندۆم و داھاتووی چارەنووسی شاری کەرکووک دروست بکەین، بڕیاریشە کۆبوونەوەیەکی فراوان و باڵا لەسەر ئاستی بەرپرسە یەکەمەکانی شاری کەرکووک بەڕێوەبچێت، بەڵام ئەوەی ئێستا تەنیا ئامادەکارییە بۆ کۆبوونەوە فراوانەکەی داھاتوو.''

قائید میرۆ




دوایین هەواڵەکان

دیاری حوسێن: پارتی بەبێ ئاسایکردنەوەی رەوشی کەرکووک شەرعیەت بە هیچ هەڵبژاردنێک نادات

WEDNESDAY, 16 JANUARY 2019 17:01:49

كەركووك-KDP.info- دوای ئەوەی ڕۆژی یەکشەممەی ڕابردوو کۆمسیۆنی باڵای ھەڵبژاردنەکانی عێراق بڕیاری دا ھەڵبژاردنی ئەنجومەنی پارێزگاکانی عێراق لە کۆتاییی ئەمساڵ بەڕێوە بچێت و پارێزگای کەرکووکیش دەگرێتەوە، بەرپرسێکی پارتی دەڵێ، لای ئێمە ھەڵبژاردنەکەی کەرکووک ھیچ شەرعیەتی نییە و لەگەڵ لایەنە کوردەکانی کەرکووکیش ئەو بابەتە یەکلا دەکەینەوە.

 
داوا دەکرێ سێ بەنداوی سنووری قەزای مێرگەسۆر تەواو بکرێن

WEDNESDAY, 16 JANUARY 2019 15:01:55

هەولێر-KDP.info- ساڵی ڕابردوو ھەرێمی کوردستان و تورکیا ڕێک کەوتوون لەسەر دروستکردنی سێ بەنداو، ئەندامێکی لیژنەی سەرچاوەکانی ئاوی پەرلەمانی عێراقیش دەڵێ، داوایان کردووە حکوومەتی بەغدا ھاوکار بێت بۆ دەستپێکردنی ئەو پڕۆژانە و سوودی بۆ ھەرێم و عێراقیش دەبێت.

 
"ساڵی ڕابردوو زیاتر لە پێنج ھەزار ڕووداوی ئەمنی لە کەرکووک تۆمار کراون"

WEDNESDAY, 16 JANUARY 2019 15:01:30

کەرکووک-KDP.info- تێکچوونی ڕەوشی ئەمنیی شاری کەرکووک دانیشتووانەکەی دڵگران کردووە و سەرچاوەیەکی ئەمنیش ڕوونی کردەوە، تەنیا لەساڵی ڕابردوودا زیاتر لە پێنج ھەزار ڕووداوی ئەمنی لە کەرکووک تۆمار کراون.

 
دیندار زێباری: بە گوێرەی یاسا مامەڵە لەگەڵ دەستگیرکراوان کراوە

WEDNESDAY, 16 JANUARY 2019 15:01:59

هەولێر-KDP.info-   لە دوای هێرشی تیرۆریستانی داعش بۆ سەر چەند ناوچەیەکی کوردستان، بەردەوام لە چەند سەرچاوەیەکی نێودەوڵەتی و ناوخۆییەوە تۆمەتی مامەڵەی نەشیاو لەگەڵ دەستگیرکراوان دەخرێتە پاڵ دامودەزگاکانی حکوومەتی هەرێمی کوردستان؛ وەک هێشتنەوەی ڕاگیراوان بۆ ماوەیەکی زۆر بێ ئەوەی دادگایی بکرێن  و کەیسەکانیان یەکلا بکرێتەوە. د. دیندار زێباری، ڕێکخەری ڕاسپاردە نێودەوڵەتییەکانی حکوومەتی هەرێمی کوردستان سەبارەت بەم پرسە دەڵێ، بە گوێرەی یاسا مامەڵە لەگەڵ دەستگیرکراوان کراوە.

 
سه‌رۆک بارزانی به‌شداری له‌ پرسه‌ی مامۆستا محه‌مه‌د مه‌لا قادر کرد

WEDNESDAY, 16 JANUARY 2019 14:01:27

هەولێر-KDP.info-  سەرۆک بارزانی ئەمڕۆ لە هەولێری پایتەخت بەشداری لە مەراسیمی پرسەی مامۆستا محەمەد مەلا قادر کرد.



 
© 2018 Kurdistan Democratic Party, KDP