Kurdî  ■  كوردی  ■  عربي
MON, 23 APR 2018 12:17 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

فازڵ میرانی پێشوازیی لە بنەماڵەی شەهید مەغدید هەرکی کرد
| KDP.info


هەولێر-KDP.info-  ئەمڕۆ لە بارەگای مەكتەبی سیاسیی پارتی دیموكراتی كوردستان، (فازڵ میرانی)، سكرتێری مەكتەبی سیاسی پێشوازیی لە بنەماڵەی شەهیدی قارەمان، (مەغدید هەركی) كرد.

(فازڵ میرانی) بە گەرمی بەخێرهێنانی بنەماڵەكەی شەهید (مەغدید)ی كرد و خۆشحاڵیی خۆی بۆ ئەم سەردانەیان دەربڕی و تەئكیدی كرد، كە میللەتی كورد هەردەم قوربانیی داوە و قوربانییش دەدات بۆ پاراستنی بەهاكانی و ناسنامەی و دیاركردنی چارەنووسی خۆی وەكو هەموو گەلان و، ئێمە شانازی دەكەین بە قارەمانەتی و مێرخاسیی شەهید (مەغدید) و هەموو شەهیدانی كوردستان، كە گیانی خۆیان لەپێناو كورد و كوردستاندا بەخت كرد.

هەروەها سكرتێری مەكتەبی سیاسی ئاماژەی بەوە دا، كە هەموو كات شەهیدانمان لەیادن و لەبیر ناكرێن و، هەرچی بۆیان بكرێت كەمە و بنەماڵە و خێزانی شەهید هەردەم جێگای ڕێزن و ئێمە شانازییان پێوە دەكەین.

لە لای خۆیانەوە بنەماڵەی شەهید (مەغدید هەركی) دووپاتیان كردەوە، كە هەردەم لەسەر ڕێبازی (بارزانی نەمر)، كە ڕێبازی كوردایەتییە بەردەوام دەبن و وەك بنەماڵەی شەهید شانازی دەكەن و سەربەرزن، كە لەو پێناوەدا شەهیدیان داوە.
 




دوایین هەواڵەکان

كاندیدانی پارتی لە مووسڵ: ده‌نگه‌كانی پارتی له‌ مووسڵ زیاد ده‌كه‌ن.. لەبەر دوو هۆكارە

MONDAY, 23 APRIL 2018 11:04:14

مووسڵ -KDP.info- كاندیدانی پارتی لە سنووری پارێزگای مووسڵ دەڵێن، تاوەكوو ئێستا ناتوانن بە ئازادانە بچنە مووسڵ و بانگەشە بۆ خۆیان بكەن، چونكە مەترسی لەسەر ژیانیان هەیە، به‌ڵام لەبەر دوو هۆكار ده‌نگه‌كانی پارتی زیاد ده‌بن، یەكەم هەرێم دەرگای بۆ ئاوارەكان كردەوە، دووەمیش پاش ئازادكردنی مووسڵ یەكەم لایەن كە هاوكاریی خەڵكی مووسڵی كرد، هەرێمی كوردستان بوون.

 
ریفراندۆمەكەی باشوور، شەرم یان شانازی؟

MONDAY, 23 APRIL 2018 10:04:44

هەرمان بۆکانی

پاش راپەڕینە مەزنەكەی 91ی باشوور، ریفراندۆم تاقە هەنگاوێكی شۆڕشگێڕانە و نیشتمانپەروەرانەیە كە هەموو نیشتمانپەروەرێكی كورد لە هەرچوار پارچەی كوردستان شانازیی پێوە دەكات. ئەو ریفراندۆمەی كە نیشتمانپەروەران شانازیی پێوە دەكەن و نیشتمانفرۆشانیش لەبەردەم ئاغا داگیركەرەكانیاندا لە سۆنگەیەوە ئارەقەی شەرمیان لێ دەتكێ.

فازڵ بەشارەتی: ئه‌مجاره‌ دەنگی رۆشنبیر و نیشتیمانپەروەرەكان و لایەنی دیكەمان له‌گه‌ڵه‌

MONDAY, 23 APRIL 2018 10:04:52

هەڵەبجە-KDP.info-  بەرپرسی لقی 12ی پارتی دەڵێ: "ئێمە لە بانگەشەكردن لە سنووری خۆمان بەردەوامین بۆ لیستی 184ی پارتی دیموكراتی كوردستان و، ئەم جارەیش بە هۆی هەڵوێستە نەتەوەییەكانی پارتییەوە لە ماوەی رابردوودا، دەنگەكانی زیاد دەكەن.

 
عومەر ئۆرەیی: به‌رنامه‌ی پارتی مافەكانی گەلی كوردستانه‌ و روون و ئاشكرایە

MONDAY, 23 APRIL 2018 10:04:40

ئامێدی-KDP.info- بەرپرسی لقی 18ی پارتی لە ئامێدی ڕایگەیاند، پارتی بۆ ئەوە دەچێتەوە بەغدا، تا ئەو بەرنامەیەی دایناوە، جێبەجێی بكات، خەڵكی ئامێدییش بە گوڕوتینەوە چاوەڕوانی رۆژی هەڵبژاردن دەكەن، بۆ ئەوەی دەنگ بە پارتی و كاندیدەكانی بدەن، هەر بۆیە رێژەی دەنگەكانی پارتی زیاد دەبن.

 
رێكخەری راسپاردە نێودەوڵەتییەكان: وەزارەتی دەرەوەی ئەمەریكا، ستاییشی حكوومەتی هەرێمی كردووە

MONDAY, 23 APRIL 2018 09:04:46

هەولێر-KDP.info- ئۆفیسی رێكخەری راسپاردە نێودەوڵەتییەكان لە حكوومەتی هەرێمی كوردستان ڕایدەگەیێنێت، راپۆرتی وەزارەتی دەرەوەی ئەمەریكا، ستاییشی حكوومەتی هەرێمی لە چەند بابەتێكی گرینگدا كردووە، وەك پێشوازیكردن لە ئاوارە و پەنابەران.

 


 
© 2018 Kurdistan Democratic Party, KDP