Kurdî  ■  كوردی  ■  عربي
SUN, 22 APR 2018 01:56 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پڕۆژەیەكی بنیاتنەر لە قۆناغێكی هەستیاردا
| KDP.info


 
 
ئامانج عەبدوڵڵا سوور
 
 
پڕۆژەی ئاوەدانی لە گەرمیان و هەڵەبجە، بەردەوامیی خەسڵەتی دانەبڕاوی هەموو ئەو پڕۆژانەیە كە لە پەنا ئاوەدانكردنەوە و بایەخدان بە ژێرخان سەرنج لە واقیع دەگرێت و چاوی لە بنیاتناوەی سبەنێیەكی گەشە.
 
 
هەڵپەی بێ چەندوچوونی سەركردایەتیی كارامە لەوەدا چڕ دەبێتەوە، كە لە دۆخی هەستیار و بارگاوی بە نائومێدی لە پنتێكدا چەق نابەستێت و تەمی نیگەرانی دەڕەوێنێتەوە، ئەوكات نەخشی حكوومەتێكی رەشید دەكێشێت.
 
 
(نێچیرڤان بارزانی) تەریب بەو هەوڵە بەردەوامەی بۆ پەرەگرتنی ئاوەدانی و ڕەگداكوتانی جومگەكانی حكوومەتێكی بەهێز و كارامە، هەمیشە پڕۆژەیەكی نوێ  دەخاتە روو.
 
 
لە نوێترین هەنگاوی پڕاكتیكیدا، خەمێكی تری لە قۆناغێكی هەستیار و ناوچەی هەستیاردا خستە بواری جێبەجێكردنەوە.
 
 
ئاخر ئەو دەمەی كوردستان لەنێو قەیرانێكی داسەپاوی داراییدایە، لە سەرێكەوە بەغدا قوتی بڕیوە و لە سەرێكی دیكەیشەوە زیاتر لە دوو ساڵە بەرامبەر مەترسیدارترین رێكخراوی تیرۆریستی دەجەنگێت و پێشمەرگە داستانی سەركەوتن بۆ مرڤایەتی دەنووسێتەوە .
 
هەرێمی كوردستان پەناگەی ئارامی هەموو ئەو ئاوارە و پەناهەندانەیە كە رووی تێدەكەن و لێكەوتەكانی ئەم واقیعە ئەوپەڕی بارگرانی بۆ سەرشانی حكوومەت جێ هێشتووە، بەڵام سەرۆكی حكوومەتی هەرێمی كوردستان خاسیەتی بەردەوامی و دانەبڕان لە رەوتی گەشەسەندن رادەگەیێنێت.
 
 
وەك دەبینین لەم هەنگاوە نوێیەیدا، سەرۆكی حكوومەتی هەرێمی كوردستان پڕۆژە بۆ هەڵەبجە و گەرمیان رادەگەیێَنێت و دەستی ئاوەدانی دەگاتە ئەو دوو دەڤەرەی كوردستان كە لە سەرێكەوە پڕۆژەی نیشتەجێبوون بۆ دەڤەری كەلار رادەگەیێنێت و لە لایەكی ترەوە گوژمەی 11 ملیار و 300 ملیۆن دینار بۆ جێبەجێكردن و تەواوكردنی دوو پڕۆژە بۆ زانكۆی هەڵەبجە، تەرخان دەكات.
 
 
هەڵەبجە و گەرمیان كە بە شوناسی جێنۆساید دەناسرێنەوە و شاڵاوی دڕندانەی ئەنفال و كیمیایی رابردوویانی بە قەساوەت تەنیوە، لە سەرەرێی چاوەڕوانیی ئەوپەڕی پەرەگرتندان، ئەوە بۆیە راگەیاندنی پڕۆژەی ئاوەدانی لە گەرمیان و هەڵەبجە، قورسایی بەردەوامیی پڕۆژەكانی دەوڵەتمەدار رادەگەیێنێت و، ئەو راستییە ساغ دەكاتەوە كە ڕێگای پڕمەشاقەتی نائومێدیمان بڕیوە و ئاسۆ لێمانەوە روونە ‌و سبەینێیەكی گەش گەش دەبینین.
 



دوایین هەواڵەکان

كاندیدێکی پارتی: گوشار دەخەینە سەر بەغدا بۆ دەستەبەرکردنی مافە دەستوورییەکانی هەرێم

SATURDAY, 21 APRIL 2018 16:04:41

سلێمانی-KDP.info-  یاساناسێك ده‌ڵێت: ئه‌گه‌ر به‌غدا پێشلی ده‌ستووری نه‌كردایه‌، كورد مافی ڕه‌وای خۆی وه‌رگرتبوو، به‌ڵام كاتێك حكوومه‌تی عێراق هێزی چه‌كداری بنیات نایه‌وه‌، بە ته‌واوه‌تی پشتی له‌ ده‌ستوور و یاسا كرد به‌رامبه‌ر به‌ كورد. كاندیدێكی لیستی ژماره‌ 184ی پارتی له‌ سنووری پارێزگای سلێمانی ده‌ڵێت: به‌ پێی یاسا و ده‌ستوور ته‌واوی ئه‌و مافانه‌ی كوردستان پێشێل كراون له‌ لایەن حكوومه‌تی عێراقەوە، بۆ گه‌له‌كه‌مانی وه‌رده‌گرینه‌وه‌.

 
مەکتەبی سەرۆک ساڵیادی گۆڤاری گوڵان پیرۆز دەکات

SATURDAY, 21 APRIL 2018 16:04:28

هەولێر-KDP.info-  مەکتەبی سەرۆک، بەبۆنەی بیست و چوارەمین ساڵیادی دەرچوونی گۆڤاری گوڵان پەیامێکی پیرۆزبایی ئاراستەی سەرنووسەر و ستافی گۆڤارەکە کرد کە ئەمە دەقەکەیەتی:

 
پارتی ٢٤ ساڵەی گۆڤاری گوڵان پیرۆز دەکات

SATURDAY, 21 APRIL 2018 16:04:56

هەولێر-KDP.info-  مەکتەبی سیاسی پارتی دیموکراتی کوردستان و دەزگای رۆشنبیری و راگەیاندنی پارتی، لە دوو پەیامی جوودادا ٢٤ ساڵەی گۆڤاری گوڵان پیرۆز دەکەن کە ئەمە دەقەکانیەتی:

 
راگەیاندنی پارتی، ١٢٠ ساڵەی رۆژنامەگەری کوردی پیرۆز دەکات

SATURDAY, 21 APRIL 2018 16:04:35

هەولێر-KDP.info- دەزگای رۆشنبیریی وراگەیاندنی پارتی دیموكراتی كوردستان بۆ(120)یەمین ساڵیادی رۆژنامەگەریی كوردی پەیامێکی پیرۆزبایی راگەیاند کە ئەمە دەقەکەیەتی:

 
"بەغدا ڕێگرە لە دانی قەرزی ژاپۆن بە ھەرێمی کوردستان"

SATURDAY, 21 APRIL 2018 16:04:35

هەولێر-KDP.info-  وڵاتی ژاپۆن چەند پڕۆژەیەکی کەرتی کارەبا لە ھەرێمی کوردستان جێبەجێ دەکات و گوتەبێژی وەزارەتی کارەبای حکوومەتی ھەرێمی کوردستانیش دەڵێ، ئەو قەرزەی ژاپۆن بە عێراقی داوە بەشی ھەرێمی کوردستانی تێدایە بۆ جێبەجێکردنی  پڕۆژەی دیکە، بەڵام تا ئێستا بەغدا ڕازی نەبووە بە خەرجکردنی بەشی ھەرێمی کوردستان.

 


 
© 2018 Kurdistan Democratic Party, KDP