Kurdî  ■  كوردی  ■  عربي
MON, 23 APR 2018 12:25 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

مەسروور بارزانی لە کۆشکی سپی لەگەڵ گەورەڕاوێژکارانی سەرۆکی ئەمەریکا کۆ بووەوە


| KDP.info


 

هەولێر-KDP.info-  راوێژکاری ئەنجوومەنی ئاسایشی نیشتمانی ئەمەریکا دەڵێ، پەیوەندییەکی بەهێزیان لەگەڵ کورد هەیە و دەیانەوێ بەهێزتری بکەین.


جەنەراڵ (ئێچ ئار مەکماستەر) راوێژکاری ئەنجوومەنی ئاسایشی نەتەوەیی ئەمەریکا لە کاتی پێشوازیکردنی لە شاندی باڵای هەرێمی کوردستان بە سەرۆکایەتیی (مەسروور بارزانی) لە کۆشکی سپی، خۆشحاڵیی خۆی بۆ پەیوەندیی بەهێزی نێوان هەرێمی کوردستان و وڵاتە یەکگرتووەکانی ئەمەریکا دەربڕی.

لە کۆبوونەوەیەکدا کە (جەیرد کوشنەر) گەورەراوێژکاری سەرۆکی ئەمەریکا (دۆناڵد ترەمپ)، (تۆم بۆسەرت) راوێژکاری ئەنجوومەنی ئاسایشی نێوخۆیی، جەنەراڵ (کیس کیلۆگ) سەرۆکی دیوانی ئەنجوومەنی ئاسایشی نەتەوەیی، (دینا پاول) یاریدەدەری راوێژکاری ئەنجوومەنی ئاسایشی نەتەوەیی و (جۆزێف پێنینگتن) یاریدەری وەزیری دەرەوە ئامادەی بوون، (مەسروور بارزانی) سوپاسی پشتیوانیی وڵاتە یەکگرتووەکانی ئەمەریکای کرد لە هەرێمی کوردستان لە شەڕی دژی داعش و، دووپاتیشی کردەوە کە هەرێمی کوردستان وەک هاوپەیمانێکی گرینگی ئەمەریکا دەمێنێتەوە.

لە بارەی پەیوەندیی نێوان هەرێمی کوردستان وعێراقیش، راوێژکاری ئەنجەومەنی ئاسایشی هەرێمی کوردستان گوتی: "ئێمە رابردوویەکی تاڵمان لەگەڵ حکوومەتەکانی عێراق هەبووە، بۆیە  دەمانەوێ دوارۆژێکی ئارام بۆ گەلەمان دەستەبەر بکەین".
لە بەشێكی دیكەی دیدارەكەدا (مەسروور بارزانی)، ئاماژەی بە پرسی ئەنجامدانی ریفراندۆم دا و گوتی: "دەمانەوێ پرۆسەکە بە شێوەیەکی هێمنانە و ئاشتیخوازانە ئەنجام بدرێت".

(جەیرد کوشنەر) گەورە راوێژکاری (دۆناڵد ترەمپ)، لە دیدارەكەدا ستایشی هەرێمی کوردستان و قارەمانیێتیی هێزی پێشمەرگەی کرد و گوتی: "دەبێ بزانن کە ئێوە دۆستی باشتان لە کۆشکی سپیدا هەیە".

بڕیارە ئەمڕۆ سێشەممە، (مەسروور بارزانی) راوێژکاری ئەنجوومەنی ئاسایشی هەرێمی کوردستان، سیمینارێکی تایبەت لە دامەزراوەی بەناوودەنگی هیریتچ لە واشنتن پێشکەش بکات، کە یەکێکە لە سەنتەرە کاریگەرەکانی نزیک لە کۆمارییەکان. تێیدا روانگای کوردستان لە بارەی عێراقی دوای شەڕی داعش و رزگارکردنی مووسڵ دەخاتە ڕوو.

سەرچاوە، کوردستان٢٤
 




دوایین هەواڵەکان

كاندیدانی پارتی لە مووسڵ: ده‌نگه‌كانی پارتی له‌ مووسڵ زیاد ده‌كه‌ن.. لەبەر دوو هۆكارە

MONDAY, 23 APRIL 2018 11:04:14

مووسڵ -KDP.info- كاندیدانی پارتی لە سنووری پارێزگای مووسڵ دەڵێن، تاوەكوو ئێستا ناتوانن بە ئازادانە بچنە مووسڵ و بانگەشە بۆ خۆیان بكەن، چونكە مەترسی لەسەر ژیانیان هەیە، به‌ڵام لەبەر دوو هۆكار ده‌نگه‌كانی پارتی زیاد ده‌بن، یەكەم هەرێم دەرگای بۆ ئاوارەكان كردەوە، دووەمیش پاش ئازادكردنی مووسڵ یەكەم لایەن كە هاوكاریی خەڵكی مووسڵی كرد، هەرێمی كوردستان بوون.

 
ریفراندۆمەكەی باشوور، شەرم یان شانازی؟

MONDAY, 23 APRIL 2018 10:04:44

هەرمان بۆکانی

پاش راپەڕینە مەزنەكەی 91ی باشوور، ریفراندۆم تاقە هەنگاوێكی شۆڕشگێڕانە و نیشتمانپەروەرانەیە كە هەموو نیشتمانپەروەرێكی كورد لە هەرچوار پارچەی كوردستان شانازیی پێوە دەكات. ئەو ریفراندۆمەی كە نیشتمانپەروەران شانازیی پێوە دەكەن و نیشتمانفرۆشانیش لەبەردەم ئاغا داگیركەرەكانیاندا لە سۆنگەیەوە ئارەقەی شەرمیان لێ دەتكێ.

فازڵ بەشارەتی: ئه‌مجاره‌ دەنگی رۆشنبیر و نیشتیمانپەروەرەكان و لایەنی دیكەمان له‌گه‌ڵه‌

MONDAY, 23 APRIL 2018 10:04:52

هەڵەبجە-KDP.info-  بەرپرسی لقی 12ی پارتی دەڵێ: "ئێمە لە بانگەشەكردن لە سنووری خۆمان بەردەوامین بۆ لیستی 184ی پارتی دیموكراتی كوردستان و، ئەم جارەیش بە هۆی هەڵوێستە نەتەوەییەكانی پارتییەوە لە ماوەی رابردوودا، دەنگەكانی زیاد دەكەن.

 
عومەر ئۆرەیی: به‌رنامه‌ی پارتی مافەكانی گەلی كوردستانه‌ و روون و ئاشكرایە

MONDAY, 23 APRIL 2018 10:04:40

ئامێدی-KDP.info- بەرپرسی لقی 18ی پارتی لە ئامێدی ڕایگەیاند، پارتی بۆ ئەوە دەچێتەوە بەغدا، تا ئەو بەرنامەیەی دایناوە، جێبەجێی بكات، خەڵكی ئامێدییش بە گوڕوتینەوە چاوەڕوانی رۆژی هەڵبژاردن دەكەن، بۆ ئەوەی دەنگ بە پارتی و كاندیدەكانی بدەن، هەر بۆیە رێژەی دەنگەكانی پارتی زیاد دەبن.

 
رێكخەری راسپاردە نێودەوڵەتییەكان: وەزارەتی دەرەوەی ئەمەریكا، ستاییشی حكوومەتی هەرێمی كردووە

MONDAY, 23 APRIL 2018 09:04:46

هەولێر-KDP.info- ئۆفیسی رێكخەری راسپاردە نێودەوڵەتییەكان لە حكوومەتی هەرێمی كوردستان ڕایدەگەیێنێت، راپۆرتی وەزارەتی دەرەوەی ئەمەریكا، ستاییشی حكوومەتی هەرێمی لە چەند بابەتێكی گرینگدا كردووە، وەك پێشوازیكردن لە ئاوارە و پەنابەران.

 


 
© 2018 Kurdistan Democratic Party, KDP