Kurdî  ■  كوردی  ■  عربي
SUN, 24 SEP 2017 17:06 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

لوقمان کاکەیی: بکوژانی شەهیدکردنی محەممەد یوونس ئاشکرا بوون
| KDP.info


کەرکووک-KDP.info-  (لوقمان کاکەیی)، کارگێڕی لقی ٣ی پارتی لە کەرکووک ڕایگەیاند، سێ کەس دەستیان لە شەھیدکردنی (محەممەد یوونس)دا ھەبووە و ناوەکانیان دراون بە پارێزگاری کەرکووک؛ دەشڵێت، ھەرسێ تۆمەتبارەکە سەر بە ھێزەکانی  پۆلیسی ئامادەن و لە کاتی ڕووداوەکەدا ئۆتۆمبێڵێکی ژمارە سلێمانییان لا بووە.

(لوقمان کاکەیی)، کارگێڕی لقی ٣ی پارتی لە کەرکووک بە ماڵپەڕی فەرمیی پارتی دیموکراتی کوردستانی ڕاگەیاند: ''دوای ڕووداوی شەھیدکردنی (محەممەد یوونس)، جێگری بەڕێوەبەری کۆمپانیای گازی باکوور، ھەندێ سەرەداومان بەدەست گەیشتووە و ھەموو بەڵگەکان ڕادەستی لیژنەی لێکۆڵینەوەی وەزارەتی ناوخۆی عێراق کراون، ئەوانیش لای خۆیانەوە کاریان لەسەر کردووە، کامێراکانی چاودێری نیزیک ڕووداوەکە چونییەتیی تیرۆرکردنی ھەڤاڵ (محەمەد یونس)یان تۆمار کردووە و ھەمووشی پێشان دراوە، کە چی ڕووی داوە.''

کارگێڕی لقی ٣ی پارتی لە کەرکووک دەشڵێت: ''بە پێی ئەنجامی لێکۆڵینەوەکان، لەنێو ئۆتۆمبێڵێکی تابلۆی پارێزگای سلێمانییەوە تەقە لە (محەممەد یوونس) کراوە و سێ کەس لەنێو ئۆتۆمبێڵەکەدا بوون، ھەرسێ تۆمەتبارەکەش سەر بە پۆلیسی ئامادەن لە سلێمانی، بەڵام ناسنامەی حزبیان دیار نییە، لیژنەی لێکۆڵینەوە و ئێمەش دۆسیەکەمان بە ناوی تۆمەتبارانەوە، ڕادەستی پارێزگاری کەرکووک، (د. نەجمەدین کەریم) کردووە، چاوەڕێی دەستگیرکردنیانین، ھیوادارین لە ئایندەیەکی نیزیکدا دەستگیر بکرێن.''




دوایین هەواڵەکان

لە خورماتوو ٣٨ بنکەی دەنگدان بۆ ڕیفراندۆم ئامادە کراون

SUNDAY, 24 SEPTEMBER 2017 16:09:39

خورماتوو-KDP.info- بەڕێوبەری ئاسایشی دووزخورماتوو گوتی، لە دووزخورماتوو ھەموو ئامادەکارییەک بۆ ئەنجامدانی ڕیفراندۆم کراوە و پلانێکی ئەمنیی تۆکمەش دانراوە.

ئەنجوومەنی باڵای ڕیفراندۆم بڕیاری دا؛ دەرگای گفتوگۆ لەگەڵ عێراق بۆ بوون بە دوو دراوسێی باش کراوە دەبێ

SUNDAY, 24 SEPTEMBER 2017 16:09:43

هەولێر-KDP.info-  ئەنجوومەنی باڵای ریفراندۆم رایگەیاند، سبیەنێ ریفراندۆمە و دوای ئەنجامدانی ڕیفراندۆمیش، دەرگای گفتوگۆ لەگەڵ عێراق کراوە دەبێت. بە ئەجێندایەکی کراوەوە و بۆ چارەسەرکردنی کێشەکان و سەرجەم بابەتەکان بۆ بوون بە دوو دراوسێی باش.

''لە کەرکووک ڕیفره‌ندۆم دەکرێت.. پێشمەرگەش شوورای پۆڵایینی بە دەوردا کێشاوه‌

SUNDAY, 24 SEPTEMBER 2017 16:09:03

کەرکووک-KDP.info- گوتەبێژی ئەنجومەنی سەرکردایەتیی پارتی دیموکراتی کوردستان لە کەرکووک-گەرمیان گوتی، لە کۆبوونەوەی ئەمڕۆی نێوان پارتی و یەکێتی و یەکگرتووی ئیسلامیدا، بە سەرپەرشتیی (سەرۆک بارزانی) بڕیار درا، لە کەرکووکیش ڕیفراندۆم ئەنجام بدرێت.

مەحموود عوسمان: زۆرینەی ناوچە کوردستانییەکان بە ڕیفڕاندۆم کێشەیان چارە دەکرێت

SUNDAY, 24 SEPTEMBER 2017 16:09:52

هەولێر-KDP.info- سیاسەتمەدارێکی کورد پێی وایە ئەنجامدانی ڕیفڕاندۆم لە کەرکووک و ناوچە کوردستانییەکانی دەرەوەی ئیدارەی حکوومەتی ھەرێمی کوردستان گرنگیی خۆی ھەیە و دەڵێت، ڕیفڕاندۆم کارتێکی بەھێزە بەرامبەر بەغدا، بۆ ئەوەی بگەڕێنەوە سەر ھەرێمی کوردستان.

ئه‌مینداری گشتیی یه‌كگرتوو: سبه‌ینێ ئه‌و ڕۆژه‌یه کە چاوەڕێی دەکەین..بە شانازییەوە ڕیفراندۆم دەکەین

SUNDAY, 24 SEPTEMBER 2017 16:09:24

‌هەولێر-KDP.info- (سه‌ڵاحه‌دین به‌هائەدین)، ئه‌مینداری گشتیی یه‌كگرتووی ئیسلامیی كوردستان ڕایگەیاند، سبەینێ ئه‌و ڕۆژه‌یه‌ گەلێ کورد ‌ساڵانێكی زۆر‌ چاوه‌ڕیی بوو.



 
© 2017 Kurdistan Democratic Party, KDP