Kurdî  ■  كوردی  ■  عربي
TUE, 19 SEP 2017 20:15 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

خولی دووەمی هەڵبژاردنەکانی فەرەنسا، لە نێوان ڕەتکردنەوە و هەڵبژاردنی جیهانگەرایی
| KDP.info


 

شۆڕش خالید ئاژگەیی

تەوەری سەرەکیی خولی دووەمی هەڵبژاردنەکانی سەرۆکایەتیی فەرەنسا هەڵبژاردنی جیهانگەرایی یا ڕەتکردنەوەیەتی لە لایەن دەنگدەرانی فەرەنساوە.
مارین لۆپین بەربژاری بەرەی ڕاستڕۆ، نەیشاردووه‌تەوە لە ڕۆژی ئەنجامدانی خولی دووەمی هەڵبژاردنەکان، دەنگدەرانی فەرەنسا سەرپشک دەکرێن لە نێوان هەڵبژاردن یا ڕەتکردنەوەی دیاردەی جیهانگەرایی و تەواوی دەرەنجامە نەرێنییەکانی پەیوەست بەم دیاردەیەوە.
بە پێچەوانەی مارین لۆپین، ئیمانوێل ماکرۆن ڕایگەیاندووە، لایەنگری جیهانگەرایی و یەکێتیی ئەورووپا و پرۆژەی ئەورووپاییە و لە پێناوی سەرخستن و بەهێزکردنی ئەو یەکێتییە و تەواوی دامەزراوەکانی سەر بەم دامەزراوە ئەورووپاییه‌یە، تەواوی هەوڵ و کۆششەکانی چڕ دەکاتەوە.
ستراتیژی ماکرۆن بریتییە لە بەهێزکردنی وڵاتی فەرەنسا لە ئاستی نێودەوڵەتی و پێدانی ڕۆڵێکی کاراتر و کاریگەرتر و گەورەتر وگێڕانەوەی هەیبەت بەم وڵاتە و، بەرزکردنەوە و بەهێزکردنی ئاستی هاوکارییە نێودەوڵەتییەکان لە پێناوی ڕووبەرووبوونەوەی تەحەدییاتی سیاسه‌تی جیهانی و کێشە و دەرهاوێشتەکانی تایبەت بە تیرۆر و پاراستنی ئاشتی و بەدیهێنانی سەقامگیری و ئاسایشەوە.
ماکرۆن پێشتر لە میانەی دیدارێکی دووقۆڵیدا لەگەڵ ئانجێلا مێرکل، ئەم هەڵوێستە نەگۆڕەی پیشان داوە، بە پێچەوانەی ڕەخنە بەردەوامەکانی مارین لۆپین لە مێرکڵەوە بە هۆی ئەو پێشوازییە گەورەیەی لە پەناخوازانی سووریایی کردی و کەوتە بەر ڕەخنە و گلەیی زۆربەی پارت و بزاڤە تووندڕۆ و ڕاستڕۆکانی ئەورووپاوە.

جیهانگەرایی
حاڵی حازر پرسی جیهانگەرایی بە یەکێک لە پرسە هەرە گرینگەکانی شەقامی فەرەنسایی  لە قەڵەم دەدرێت و، ئەم بابەتە بووه‌تە جێی مشتومڕ و گفتوگۆی چڕوپڕی ناوەندە سیاسییەکانی فەرەنسا.
چەمکی جیهانگەرایی و تەواوی لێکەوتە نەرێنی و ئەرێنییەکانی پەیوەست بەم پرسە، وای لە فەرەنسایییەکان کردووە بەردەوام ئەم پرسیارە لە خۆیان بکەن: تۆ بڵیی لە ئاییندەدا بە هۆی جیهانگەراییەوە کارەکەم لە دەست نەدەم؟ ئەگەر کارەکەم فەوتا وڵات دووچاری قەیران هات، چۆن کرێی خانوو و خەرجییەکانم دابین بکەم و لە کوێیەوە هاوکاری وەرگرم؟ لە هەموویشی گرینگتر، بەو حاڵەی ئێستای دۆخی ئاسایش و نەبوونی متمانەوە، چۆن هەست بە ئارامی و ئاسایش بکەین لە کاتێکدا ڕۆژانە لە گۆشە و کەناری وڵات شاهیدحاڵی ئەنجامدانی کردەوەی تیرۆریستی دەبین و وای لێهاتوووە، لە ماڵەکانی خۆشماندا هەست بە ئارامی وئاسودەیی نەکەین و دڵەڕاوکێ و بێمتمانەیی باڵی بەسەر سەرلەبەری ژیاندا کێشاوە!!
ئەنجام و دەرەنجامی خولی دووەمی هەڵبژاردنەکانی سەرۆکایەتیی فەرەنسا هەرچییەک بێ، ئەوە ڕوون و ئاشکرایە کەوا ئاستی هۆشیاریی سیاسی و ئینتیمای فەرەنساییەکان بۆ ڕەوت و ئایدیۆلۆژییە سیاسییە باوەکانی کۆمەڵگە لەم دۆخە هەستیارەی ئێستادا، گۆڕانی ڕیشەیی بەسەردا هاتووە و پارت و لایەنە سۆسیالیست و نەریتپارێز و چەپ و پارێزگاران لە پاشەکشەدان و، بارودۆخێکی جیاواز هاتووه‌تە ئاراوە و پرسی قەبووڵکردن یا ڕەتکردنەوەی دیاردەی جیهانگەرایی، بووه‌تە کرۆکی هەڵبژاردنە گشتییەکەی ئەمجارەی وڵاتی فەرەنسا بە خولی دووەمیشەوە.




دوایین هەواڵەکان

نێچیرڤان بارزانى پیرۆزبایى له‌ خانمى پێشمه‌رگه‌ كۆچه‌ر ساڵح حاجى ده‌كات

TUESDAY, 19 SEPTEMBER 2017 18:09:19

هەولێر-KDP.info-  به‌بۆنه‌ى خه‌ڵاتكردنى پێشمه‌رگه‌ى زێره‌ڤانى خاتوو كۆچه‌ر ساڵح حاجییه‌وه‌ كه‌ وه‌ك قاره‌مانێكى هه‌ڵمه‌تى جیهانیى دژ به‌ هزرى تونڕه‌وى و نالێبورده‌یى له‌لایه‌ن یوونسکۆ و هاوپه‌یمانیى جیهانیى هیواوه‌وه له‌ ڕێوڕه‌سمێكدا له‌ نیوویۆرك خه‌ڵات كرا، (نێچیرڤان بارزانى) سه‌رۆك وه‌زیرانى هه‌رێمى كوردستان، په‌یامێكى پیرۆزبایى ئاراسته‌ كرد، ئه‌مه‌ ده‌قه‌كه‌یه‌تى:

نەجمەدین کەریم: کەرکووکییەکان بڕیاری بەڵێ دەدەن..ئامادەکاریی تەواو کراوە

TUESDAY, 19 SEPTEMBER 2017 18:09:46

کەرکووک-KDP.info- پارێزگاری کەرکووک دەڵێت، خەڵکی کەرکووک ڕۆژی ڕیفراندۆم قسەی خۆی دەکات، چونکە دەنگی خەڵکی ئەم شارە بەڵێیە بۆ سەربەخۆییی کوردستان. لە ئێستاشەوە ئامادەکاریی تەواو کراوە بۆ ڕۆژی ڕیفراندۆم و سەرجەم دامەزراوەکانی شارەکە پێشوەختە کۆبوونەوەیان کردووە و ئامادەییان دەربڕیوە.

مامۆستایەکی زانکۆ؛ کەرنەڤاڵەکانی جەماوەر بوون بە ڕیفراندۆم..پەیامەکە بە جیهان گەیشت

TUESDAY, 19 SEPTEMBER 2017 18:09:46

هەولێر-KDP.info- مامۆستایەکی زانکۆ دەڵێ، کەرنەڤاڵەکانی خەڵکی کوردستان بۆ پشتیوانیکردن لە پڕۆسەی ڕیفڕاندۆم مانای ئەوە دەگەیەنێت، کە گەلی کوردستان لەگەڵ ئەنجامدانی ڕیفڕاندۆم و سەربەخۆییی کوردستاندایە، ئیدی ڕیفڕاندۆم بکرێت و نەکرێت پەیامی خەڵکی کوردستان گەیشتە جیھان، کە دەمانەوێت لە دەوڵەتی عێراق جیا ببینەوە.

کەسایەتییەکانی ئێزدی: بۆ ئەوەی ئێزدیخان دابەش نەبێت دەبێ سەربەخۆییی کوردستان هەڵبژێرین

TUESDAY, 19 SEPTEMBER 2017 18:09:27

دهۆک-KDP.info- کەسایەتییەکانی کوردی ئێزدی دەڵێن، بۆ ئەوەی ئێزدیخان دابەش نەبێت، دەبێ سەربەخۆییی کوردستان هەڵبژێرین و دەنگ بە ڕیفراندۆم بدەین، چونکە ئەمە تاکە ڕێگەیە بۆ ئەوەی جارێکی دیکە تووشی کارەسات نەبینەوە.

چۆن دڵنیایی ده‌ده‌ینه‌ پێكهاته‌كانی كه‌ركووك و ده‌شتی نه‌ینه‌وا؟

TUESDAY, 19 SEPTEMBER 2017 17:09:32

جه‌بار قادر

كه‌ركووك و دەشتی نەینەوا، فره پێكهاتەیە و ئایین و ئیتنیكی جیاوازیان لێ دەژیێن، ژیانە كۆمه‌ڵایه‌تی و كولتووری و ئایینیەکەیان جیاوازه‌ له ‌ناوچه‌كانی دیكه‌ی باشووری كوردستان؛ فره‌یی لەوێ ئاڵۆزتر و زیاتره‌، بۆیه‌شه‌ پێویسته‌ هه‌ستیارانەتر مامه‌ڵه‌ له‌گه‌ڵ پێكهاته‌كانی دیكه‌دا بكرێت و گفتوگۆكردنێكی به‌رده‌وام و نه‌رم په‌یڕه‌و بكرێت.



 
© 2017 Kurdistan Democratic Party, KDP