Kurdî  ■  كوردی  ■  عربي
SUN, 22 APR 2018 02:07 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

لە سەرەتای مانگی ھەشتەوە، كار بە سیستمی نوێی مووچە دەكرێت
| KDP.info


 

ھەولێر-KDP.info- سەرۆكی فەرمانگەی تەكنەلۆژیا و زانیاری لە ئەنجوومەنی وەزیران ڕایگەیاند، بڕیار وایە ئەمساڵ لە سەرەتای مانگی ھەشتەوە كار بە سیستمی نوێی مووچە بكرێت، ھەر فەرمانبەرێكیش ناوی تۆمار نەكردبێت، مووچەی پێ نادرێت.

(ھیوا ئەفەندی)، بە ماڵپەڕی فەرمیی پارتی دیموكراتی كوردستانی گوت، بڕیار وایە ئەمساڵ لە ١/٨ـەوە كار بە سیستمی نوێی مووچە بكرێت، بۆیە ھەر كەسێك ناوی خۆی لە سیستمی بایۆمەتری تۆمار نەكردبێت، ناوی ناگەڕێتەوە بۆ گەنجینەكان و ئەوكات مووچەی پێ نادرێت و مافی دەفەوتێت.

(ئەفەندی) گوتیشی، ئەو خەڵكەی بە مەبەستی وەرگرتنی نیشتەجێكردن لە وڵاتان (ئیقامە) رۆییشتوون بۆ دەرەوە بە بێ ئەوەی مۆڵەت وەربگرن، راستەوخۆ مافی لە ھەرێمی كوردستان نامێنێت و ھیچی لەسەر حكوومەت نامێنێت تاوەكو مووچەی پێ بدات و مافی دەفەوتێت، ئەوەی بۆ خوێندنیش رۆییشتووە وەكو تواناسازی، ھەر كاتێك خوێندنیان تەواو كرد و گەڕانەوە، ئەوكات ناوی خۆیان لە سیستەمی بایۆمەتری تۆمار دەكەن و، ئەوانەی مۆڵەتی بێمووچەیان وەرگرتووە، ھەر كاتێك گەڕانەوە و دەستبەكار بوونەوە، ئەوكات ناوی خۆیان تۆمار دەكەن .

ئەمەیش لە كاتێكدایە، ناوتۆماركردنی فەرمانبەرانی سلكی مەدەنی تەواو بووە و ئەوەی سەربازییش بڕیارە تاوەكو كۆتایی ئەم مانگە تەواو بێت، بەڵام رەنگە ١٥رۆژیان بۆ درێژ بكرێتەوە، وەكو (ئەفەندی) ئاماژەی بۆ كرد.

 

بڵند ئیبراھیم




دوایین هەواڵەکان

كاندیدێکی پارتی: گوشار دەخەینە سەر بەغدا بۆ دەستەبەرکردنی مافە دەستوورییەکانی هەرێم

SATURDAY, 21 APRIL 2018 16:04:41

سلێمانی-KDP.info-  یاساناسێك ده‌ڵێت: ئه‌گه‌ر به‌غدا پێشلی ده‌ستووری نه‌كردایه‌، كورد مافی ڕه‌وای خۆی وه‌رگرتبوو، به‌ڵام كاتێك حكوومه‌تی عێراق هێزی چه‌كداری بنیات نایه‌وه‌، بە ته‌واوه‌تی پشتی له‌ ده‌ستوور و یاسا كرد به‌رامبه‌ر به‌ كورد. كاندیدێكی لیستی ژماره‌ 184ی پارتی له‌ سنووری پارێزگای سلێمانی ده‌ڵێت: به‌ پێی یاسا و ده‌ستوور ته‌واوی ئه‌و مافانه‌ی كوردستان پێشێل كراون له‌ لایەن حكوومه‌تی عێراقەوە، بۆ گه‌له‌كه‌مانی وه‌رده‌گرینه‌وه‌.

 
مەکتەبی سەرۆک ساڵیادی گۆڤاری گوڵان پیرۆز دەکات

SATURDAY, 21 APRIL 2018 16:04:28

هەولێر-KDP.info-  مەکتەبی سەرۆک، بەبۆنەی بیست و چوارەمین ساڵیادی دەرچوونی گۆڤاری گوڵان پەیامێکی پیرۆزبایی ئاراستەی سەرنووسەر و ستافی گۆڤارەکە کرد کە ئەمە دەقەکەیەتی:

 
پارتی ٢٤ ساڵەی گۆڤاری گوڵان پیرۆز دەکات

SATURDAY, 21 APRIL 2018 16:04:56

هەولێر-KDP.info-  مەکتەبی سیاسی پارتی دیموکراتی کوردستان و دەزگای رۆشنبیری و راگەیاندنی پارتی، لە دوو پەیامی جوودادا ٢٤ ساڵەی گۆڤاری گوڵان پیرۆز دەکەن کە ئەمە دەقەکانیەتی:

 
راگەیاندنی پارتی، ١٢٠ ساڵەی رۆژنامەگەری کوردی پیرۆز دەکات

SATURDAY, 21 APRIL 2018 16:04:35

هەولێر-KDP.info- دەزگای رۆشنبیریی وراگەیاندنی پارتی دیموكراتی كوردستان بۆ(120)یەمین ساڵیادی رۆژنامەگەریی كوردی پەیامێکی پیرۆزبایی راگەیاند کە ئەمە دەقەکەیەتی:

 
"بەغدا ڕێگرە لە دانی قەرزی ژاپۆن بە ھەرێمی کوردستان"

SATURDAY, 21 APRIL 2018 16:04:35

هەولێر-KDP.info-  وڵاتی ژاپۆن چەند پڕۆژەیەکی کەرتی کارەبا لە ھەرێمی کوردستان جێبەجێ دەکات و گوتەبێژی وەزارەتی کارەبای حکوومەتی ھەرێمی کوردستانیش دەڵێ، ئەو قەرزەی ژاپۆن بە عێراقی داوە بەشی ھەرێمی کوردستانی تێدایە بۆ جێبەجێکردنی  پڕۆژەی دیکە، بەڵام تا ئێستا بەغدا ڕازی نەبووە بە خەرجکردنی بەشی ھەرێمی کوردستان.

 


 
© 2018 Kurdistan Democratic Party, KDP