Kurdî  ■  كوردی  ■  عربي
MON, 23 APR 2018 12:22 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

بەشارەتی: لە کۆی ٥٢ پۆست لە هەڵەبجە تەنیا سێ پۆست بۆ پارتی دانراوە
| KDP.info


هەڵەبجە-KDP.info- بەرپرسی لقی ١٢ی پارتی دیموکراتی کوردستان لە ھەڵەبجە گوتی، تا ئێستا بڕیاری کۆتاییان بۆ بەشداریکردن لە حکوومەتی خۆجێی ھەڵەبجەدا نەداوە، لەبەر ئەوەی ھێشتا پۆستەکانیان یەکلایی نەکراونەتەوە و لە کۆی ٥٢ پۆست تەنیا ٣ پۆست بۆ ئەوان دیاری کراوە و ئەوانیش دەیانەوێت بەپێی ڕێژەی کورسیی ئەنجومەنی پارێزگا مافیان لە پۆستەکاندا پێ بدرێت.

(فازڵ بەشارەتی) بە ماڵپەڕی فەرمیی پارتی دیموکراتی کوردستانی ڕاگەیاند: ''پرسی حکوومەتی خۆجێی ھەڵەبجە و پێکھێنانی ئەنجومەنی پارێزگا ھێشتا یەکلایی نەکراوەتەوە، لەبەر ئەوەی لایەنەکانی دیکە بە ڕژدی نایەنە پێشەوە، چونکە دەیانەوێت دەستی ئێمە ڕاکێشنە ناو بەرپرسیارەتیەکەوە و مافیشمان بە تەواوی جێبەجێ نەکرێت.''

(فازڵ بەشارەتی) گوتی: ''تا ئێستا لایەنەکان بڕیارێکی یەکلاکەرەوەیان نەداوە، کە ئێمە تا چ ڕادەیەک بەشداری دەکەین، بۆیە ئێمەش تا دڵنیا نەبین لەوەی کە حکوومەتەکە بە هاوبەشی دەبێت و شەریک دەبین، ناچینە نێو ئەو بەرپرسیارەتییەوە.''

بەرپرسی لقی ١٢ی پارتی دیموکراتی کوردستان لە ھەڵەبجە ڕوونی کردەوە: ''ھێشتا پۆستەکان یەکلایی نەکراونەتەوە، لەبەر ئەوەی لە کۆی ٥٢ پۆست تەنیا سێ پۆستی بەڕێوبەری گشتی بە ئێمە دراون، ئەوانیش ھێشتا دیاری نەکراون، کە چ بەرێوبەرێک بە ئێمە دەدرێت، بۆیە ئێمە پێمان وایە ناکرێ بە سێ پۆستەوە بڵێین بەشدارین لە حکوومەتی خۆجێیی ھەڵەبجەدا و بەو شێوەیە بەشداریی ناکەین.''

(بەشارەتی) دەڵێت: ''ھەرکاتێک یەکلایی کرایەوە لە کۆی ئەو ٥٢ پۆستە چەندی بە ئێمە دەدرێت، ئەوکات ئێمەش بڕیاری بەشداریکردن و بەشدارینەکردن دەدەین، چونکە ئێمە داوامان کردووە بە پێی ڕێژەی کورسیی ئەنجومەنی پارێزگا، چەند پۆست بە ئێمە دەبڕێت، پێی ڕازیین، بەڵام ئەمە تا ئێستا یەکلایی نەکراوەتەوە.''

(بەشارەتی) ڕاشیگەیاند: ''ئەوەی دەکرێت کاتکوشتنە و بەو شێوەیە زۆر زەحمەتە لە ماوەیەکی نزیکدا بتوانرێت ئەو کێشەیە یەکلا بکرێتەوە.''

بڵند ئیبراھیم 




دوایین هەواڵەکان

كاندیدانی پارتی لە مووسڵ: ده‌نگه‌كانی پارتی له‌ مووسڵ زیاد ده‌كه‌ن.. لەبەر دوو هۆكارە

MONDAY, 23 APRIL 2018 11:04:14

مووسڵ -KDP.info- كاندیدانی پارتی لە سنووری پارێزگای مووسڵ دەڵێن، تاوەكوو ئێستا ناتوانن بە ئازادانە بچنە مووسڵ و بانگەشە بۆ خۆیان بكەن، چونكە مەترسی لەسەر ژیانیان هەیە، به‌ڵام لەبەر دوو هۆكار ده‌نگه‌كانی پارتی زیاد ده‌بن، یەكەم هەرێم دەرگای بۆ ئاوارەكان كردەوە، دووەمیش پاش ئازادكردنی مووسڵ یەكەم لایەن كە هاوكاریی خەڵكی مووسڵی كرد، هەرێمی كوردستان بوون.

 
ریفراندۆمەكەی باشوور، شەرم یان شانازی؟

MONDAY, 23 APRIL 2018 10:04:44

هەرمان بۆکانی

پاش راپەڕینە مەزنەكەی 91ی باشوور، ریفراندۆم تاقە هەنگاوێكی شۆڕشگێڕانە و نیشتمانپەروەرانەیە كە هەموو نیشتمانپەروەرێكی كورد لە هەرچوار پارچەی كوردستان شانازیی پێوە دەكات. ئەو ریفراندۆمەی كە نیشتمانپەروەران شانازیی پێوە دەكەن و نیشتمانفرۆشانیش لەبەردەم ئاغا داگیركەرەكانیاندا لە سۆنگەیەوە ئارەقەی شەرمیان لێ دەتكێ.

فازڵ بەشارەتی: ئه‌مجاره‌ دەنگی رۆشنبیر و نیشتیمانپەروەرەكان و لایەنی دیكەمان له‌گه‌ڵه‌

MONDAY, 23 APRIL 2018 10:04:52

هەڵەبجە-KDP.info-  بەرپرسی لقی 12ی پارتی دەڵێ: "ئێمە لە بانگەشەكردن لە سنووری خۆمان بەردەوامین بۆ لیستی 184ی پارتی دیموكراتی كوردستان و، ئەم جارەیش بە هۆی هەڵوێستە نەتەوەییەكانی پارتییەوە لە ماوەی رابردوودا، دەنگەكانی زیاد دەكەن.

 
عومەر ئۆرەیی: به‌رنامه‌ی پارتی مافەكانی گەلی كوردستانه‌ و روون و ئاشكرایە

MONDAY, 23 APRIL 2018 10:04:40

ئامێدی-KDP.info- بەرپرسی لقی 18ی پارتی لە ئامێدی ڕایگەیاند، پارتی بۆ ئەوە دەچێتەوە بەغدا، تا ئەو بەرنامەیەی دایناوە، جێبەجێی بكات، خەڵكی ئامێدییش بە گوڕوتینەوە چاوەڕوانی رۆژی هەڵبژاردن دەكەن، بۆ ئەوەی دەنگ بە پارتی و كاندیدەكانی بدەن، هەر بۆیە رێژەی دەنگەكانی پارتی زیاد دەبن.

 
رێكخەری راسپاردە نێودەوڵەتییەكان: وەزارەتی دەرەوەی ئەمەریكا، ستاییشی حكوومەتی هەرێمی كردووە

MONDAY, 23 APRIL 2018 09:04:46

هەولێر-KDP.info- ئۆفیسی رێكخەری راسپاردە نێودەوڵەتییەكان لە حكوومەتی هەرێمی كوردستان ڕایدەگەیێنێت، راپۆرتی وەزارەتی دەرەوەی ئەمەریكا، ستاییشی حكوومەتی هەرێمی لە چەند بابەتێكی گرینگدا كردووە، وەك پێشوازیكردن لە ئاوارە و پەنابەران.

 


 
© 2018 Kurdistan Democratic Party, KDP