Kurdî  ■  كوردی  ■  عربي
THU, 22 FEB 2018 03:58 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئه‌ڵمانیا لە هاوكارییە سه‌ربازی و مرۆییه‌كانی بۆ هه‌رێمی كوردستان بەردەوام دەبێ
| KDP.info


 

هەولێر-KDP.info-   له‌ دیدارێكدا لەگەڵ سەرۆکوەزیرانی هەرێمی کوردستان، وه‌زیری ده‌ره‌وه‌ی ئه‌ڵمانیا، پێكه‌وه‌ژیانی ئایینی و نه‌ته‌وه‌ییی هه‌رێمی كوردستانی به‌رز نرخاند و به‌رده‌وامیی هاوكارییه‌ سه‌ربازی و مرۆییه‌كانی ئه‌ڵمانیای بۆ هه‌رێمی كوردستان دووپات كرده‌وه‌.

سه‌رله‌به‌یانیی ئه‌مڕۆ پێنجشه‌ممه‌ 20-4-2017، (نێچیرڤان بارزانی) سه‌رۆكوه‌زیرانی هه‌رێمی كوردستان، پێشوازی له‌ (زیگمار گابریێل) وه‌زیری ده‌ره‌وه‌ی ئه‌ڵمانیا و شاندێكی یاوه‌ری كرد.

 


له‌ دیدارێكدا شاندی میوان خۆشحاڵیی خۆیان به‌ سه‌ردانی هه‌رێمی كوردستان ده‌ربڕی و، سوپاس و پێزانینی خۆیان بۆ خه‌ڵك و حكوومه‌تی هه‌رێم و پێشمه‌رگه‌ی نیشان دا بۆ خۆڕاگری و به‌رگریكردن له‌ بنه‌ماكانی مرۆڤایه‌تی و پاراستنی هه‌موو پێكهاته‌كان له‌ هه‌ڕه‌شه‌ی تیرۆر و حه‌واندنه‌وه‌ی‌ ژماره‌یه‌كی یه‌كجار زۆری ئاواره‌ و په‌نابه‌ران، كه‌ ئه‌مه‌ش جێگه‌ی ڕێز و پێزانینی ئه‌ڵمانیا و كۆمه‌ڵگه‌ی نێوده‌وڵه‌تییه‌.
وه‌زیری ده‌ره‌وه‌ی ئه‌ڵمانیا پێكه‌وه‌ژیانی ئایینی و نه‌ته‌وه‌ییی هه‌رێمی كوردستانی به‌رز نرخاند و به‌رده‌وامیی هاوكارییه‌ سه‌ربازی و مرۆییه‌كانی ئه‌ڵمانیای بۆ هه‌رێمی كوردستان دووپات كرده‌وه‌. جه‌ختی له‌وه‌ش كرده‌وه‌ كه‌ هه‌وڵ ده‌ده‌ن په‌یوه‌ندییه‌ دووقۆڵییه‌كانی نێوان ئه‌ڵمانیا و هه‌رێمی كوردستان له‌ هه‌موو بواره‌كاندا تۆكمه‌تر بكرێت. بۆ چاره‌سه‌ركردنی‌ كێشه‌ هه‌ڵواسراوه‌كانی نێوان هه‌ولێر و به‌غدایش، بنه‌مای دیالۆگ و گفتوگۆی به‌ باشترین ڕێگه‌چاره‌ زانی‌.
لای خۆیه‌وه‌ سه‌رۆكوه‌زیرانی هه‌رێمی كوردستان سوپاسی ئه‌و سه‌ردانه‌ و هاوكارییه‌ سه‌ربازی و مرۆییه‌كانی ئه‌ڵمانیای بۆ هه‌رێمی كوردستان له‌ شه‌ڕی دژی تیرۆردا كرد و، هیوای به‌رده‌وامیی هاوكارییه‌كانی خواست. ئاماده‌یی هه‌رێمی كوردستانیشی ده‌ربڕی بۆ پته‌وكردنی زیاتری په‌یوه‌ندییه‌كان له‌گه‌ڵ ئه‌ڵمانیا له‌ هه‌موو بواره‌كاندا.
سه‌باره‌ت به‌ كێشه‌ هه‌ڵواسراوه‌كانی نێوان هه‌ولێر و به‌غدایش، (نێچیرڤان بارزانی) ئاماژه‌ی دا كه‌ له‌ ڕووی سه‌ربازییه‌وه‌ په‌یوه‌ندییه‌كی تۆكمه‌ له‌ نێوان هێزی پێشمه‌رگه‌ و سوپای عێراقدا هه‌یه،‌ به‌ڵام له‌ بواره‌كانی دیكه‌دا هیچ گفتوگۆیه‌كی جیددی نه‌بووه‌ و به پێویستی زانی له‌مباره‌یه‌وه‌ كۆمه‌ڵگای نێوده‌وڵه‌تی ڕۆڵی خۆی ببینێت.
ده‌رباره‌ی ڕیفراندۆمی هه‌رێمی كوردستانیش سه‌رۆكوه‌زیران ئاماژه‌ی دا كه‌ ڕیفراندۆم مافێكی سروشتیی خه‌ڵكی كوردستانه‌ بۆ ئه‌وه‌ی چاره‌نووسی خۆی دیاری بكات. دووپاتیشی كرده‌وه‌ كه‌ خه‌ڵك و حكوومه‌تی هه‌رێمی كوردستان و لایه‌نه‌ سیاسییه‌كان باوه‌ڕیان به‌وه‌ نییه‌ داهاتوو و مافه‌كانی خۆیان به‌ ڕێگه‌ی توندوتیژی دابین بكه‌ن، به‌ڵكو پێویسته‌ به‌ ڕێگه‌ی گفتوگۆیه‌كی جیددی بێت و له‌م نێوه‌نده‌شدا كۆمه‌ڵگا‌ی نێوده‌وڵه‌تی ده‌توانێت هاوكار بێت‌.
هه‌ڵسه‌نگاندنی ڕه‌وشی گشتیی ناوچه‌كه‌ و به‌ره‌كانی ڕووبه‌ڕووبوونه‌وه‌ی تیرۆرستانی داعش و چه‌ند بابه‌تێكی په‌یوه‌ندیدار، لایه‌نێكی دیكه‌ی دیداره‌كه‌ بوو.

سەرلەبەیانیی دوێنێ چوارشەممە 19-4-2017، وەزیری دەرەوەی ئەڵمانیا گەیشتە بەغدا، شەوی رابردوویش لە رێی فڕگەی نێودەوڵەتیی هەولێرەوە گەیشتە هەرێمی کوردستان و لەلایەن سەرۆکوەزیرانی کوردستانەوە پێشوازی لێ کرا




دوایین هەواڵەکان

"هەر پەنابەرێک بگەڕێتەوە هەرێم هاوکاریی مادی دەکرێ"

WEDNESDAY, 21 FEBRUARY 2018 16:02:07

هەولێر-KDP.info- حکوومەتی ھەرێمی کوردستان بە ھاوکاریی ڕێکخراوە نێودەوڵەتییەکان پڕۆژەیەکی بۆ گەڕانەوەی پەنابەرانی ھەرێمی کوردستان ئامادە کردووە و بەڕێوەبەری گشتیی کۆچ و کۆچبەرانیش دەڵێ، ھەر پەنابەرێک مافی پەنابەرێتی وەرنەگرتبێت و بیەوێ بگەڕێتەوە خەرجی ھێنانەوەی بۆ دەکەین و ھاوکاریی ماددیشی پێشکەش دەکەین.

 
"کەلوپەلی ناوماڵ بۆ ٣٦٧ خێزانی شەهید دابین کرا"

WEDNESDAY, 21 FEBRUARY 2018 15:02:24

هەولێر-KDP.info- دەزگای خێرخوازیی بارزانی و ڕێکخراوی فریاکەوتنی ئیسلامی لە جیهاندا لە چالاکییەکدا لە شاری هەولێر کەلوپەل و پێداویستیی ناوماڵیان پێشکەش بە ٣٦٧ خێزانی شەهید کرد.

 
سەرۆك بارزانی پێشوازی لە دەستەی سەرۆكایەتیی ئەنجوومەنی كوردی سووریا کرد

WEDNESDAY, 21 FEBRUARY 2018 14:02:28

هەولێر-KDP.info-  سەرۆك مەسعوود بارزانی پێشوازی لە دەستەی سەرۆكایەتیی ئەنجوومەنی كوردی سووریا كرد و لە دیدارەکەدا دوایین پێشهاتە سیاسی و ئەمنییەكانی ڕۆژئاوا و شاری عەفرین تاوتوو كرا و بیروڕا لەبارەی ئاییندەی ڕۆژهەڵاتی ڕووباری فورات و هاوكێشە سەربازی و سیاسییەكانی ئەو ناوچەیە ئاڵوگۆڕ كرا.

فەرھاد حەمەعەلی: رەوشی كەركووك زۆر خراپە و داعشیش دەستیان بە جووڵە كردووە

WEDNESDAY, 21 FEBRUARY 2018 12:02:25

كەركووك-KDP.info- گوتەبێژی ئاساییشی كەركووك دەڵێ، رەوشی ئەمنیی كەركووك زۆر ئاڵۆزە و پێشبینیی دەكرێت لە رۆژانی دابێ رەوشەكە بەرەو خراپتر بچێت. دەشڵێ، داعش دەستی بە چالاكی كردووە و، حەشد و ھێزە عێراقییەكان نەیانتوانیوە تیرۆریستان لەو سنوورە دەربكەن.

 
11 ھەزار و 141 پارچە زەوی بە كەسوكاری شەھیدان و زیندانیانی سیاسی دەدرێت

WEDNESDAY, 21 FEBRUARY 2018 12:02:25
هەولێر-KDP.info- بە فەرمانی ئەنجوومەنی وەزیرانی هەرێمی كوردستان، بڕیار درا بە دابەشكردنی 11 هەزار و 141 پارچەزەوی بەسەر كەسوكاری شەهیدان، ئەنفالكراوان و زیندانیانی سیاسیدا.
 


 
© 2017 Kurdistan Democratic Party, KDP