Kurdî  ■  كوردی  ■  عربي
MON, 24 APR 2017 04:38 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

حزبه‌ كوردستانییه‌كانی كه‌ركووك میوانی پارتی ده‌بن
| KDP.info


 

هەولێر-KDP.info-   حزبه‌ كوردستانییه‌كانی كه‌ركووك، هه‌فته‌ی دابێ، له‌ باره‌گای لقی سێی پارتی دیموكراتی كوردستان كۆ ده‌بنه‌وه‌ و بڕیاره‌ له‌سه‌ر ره‌وشی ئێستای ئه‌و پارێزگایه‌ و بڕیاره‌كانی ئه‌و دواییه‌ی ئه‌نجوومه‌نی پارێزگاكه‌یان، قسه‌ بكه‌ن.

(د.محه‌ممه‌د خورشید) به‌رپرسی لقی سێی پارتی دیموكراتی كوردستان له‌ كه‌ركووك، ئاشكرای كرد كه‌ كۆبوونه‌وه‌ی حزبه‌ كوردستانییه‌كان، رۆژی دووشه‌ممەی هه‌فته‌ی دابێ له‌ باره‌گای لقی پارتی به‌ڕێوه‌ ده‌چێت.
ئه‌و، به‌ ماڵپه‌ڕی فه‌رمیی پارتی دیموكراتی كوردستان ده‌ڵێ، "كۆبوونه‌وه‌كه‌، له‌ درێژه‌ی كۆبوونه‌وه‌ ده‌ورییه‌كانی حزبه‌ كوردستانییه‌كانی كه‌ركووكدایه‌ و، دووشه‌ممەی دابی لای ئێمه‌ به‌ڕێوه‌ ده‌چێت. له‌و كۆبوونه‌وه‌یه‌دا باس له‌ ره‌وشی كه‌ركووك و داواكاری و بڕیاره‌كانی ئه‌نجوومه‌نی پارێزگاكه‌مان ده‌كه‌ین".
رۆژی 28ـی مانگی ئاداری رابردوو، ئه‌نجوومه‌نی پارێزگای كه‌ركووك بڕیاری دا ئاڵای كوردستان هاوشانی ئاڵای عێراق، له‌سه‌ر فه‌رمانگه‌ میرییه‌كانی ئه‌و پارێزگایه‌ هه‌ڵبكرێت. ئه‌و بڕیاره‌، ناڕه‌زایی به‌شێك له‌ عه‌ره‌ب و توركمانه‌كانی شاری كه‌ركووكی لێ كه‌وته‌وه‌. 
هاوكات په‌رله‌مانی به‌غدا، هه‌وڵی دا بڕیاره‌كه‌ی ئه‌نجوومه‌نی پارێزگای كه‌ركووك هه‌ڵبوه‌شێنێته‌وه‌، به‌ڵام له‌و كاره‌دا سه‌ركه‌وتوو نه‌بوو.

(محه‌ممه‌د خورشید) ئاشكرای ده‌كات كه‌ له‌ به‌رنامه‌یاندایه‌ بۆ ئه‌وه‌ی له‌ كۆبوونه‌وه‌ ده‌ورییه‌كانی داهاتوویاندا، ئه‌مجاره‌ نوێنه‌ری پێكهاته‌كانی دیكه‌ی كه‌ركووكیش تێیدا به‌شدار بن.
به‌رپرسی لقی سێی پارتی دیموكراتی كوردستان له‌ كه‌ركووك ده‌ڵێ، "تا ئێستا ره‌وتی كۆبوونه‌وه‌كان به‌و شێوه‌یه‌ بوونه‌ كه‌ ته‌نیا حزبه‌ كوردستانییه‌كان به‌شدار بوونه‌، به‌ڵام له‌و كۆبوونه‌وه‌یه‌دا قسه‌ له‌سه‌ر ئه‌وه‌ ده‌كه‌ین ئه‌و لایه‌ن و پێكهاتانه‌ی كه‌ركووك كه‌ كوردستانی بیر ده‌كه‌نه‌وه‌، بێنه‌ ناو كۆبوونه‌وه‌كان".
هاوكات، به‌رپرسی لقی سێی پارتی، روونی كرده‌وه‌ كه‌ تا ئێستا‌ دیار نییه‌ شاندی هاوبه‌شی پارتی و یه‌كێتی كه‌ی سه‌ردانی كه‌ركووك ده‌كه‌ن.

كاوه‌ جه‌م  

 




دوایین هەواڵەکان

باج و سه‌رانه‌ی په‌كه‌كه‌، مه‌ڕدارانی له‌ كوێستانه‌كان تۆراندووه‌

SUNDAY, 23 APRIL 2017 21:04:00

سۆران-KDP.info-  وه‌ك مه‌ڕدار و كۆچه‌ران ئاماژه‌ی بۆ ده‌كه‌ن، ئه‌مساڵ له‌ ترسی په‌كه‌كه‌ و بۆردوومانی فڕۆكه‌كانی توركیا كه‌ هه‌ر به‌ هۆی بوونی چه‌كدارانی په‌كه‌كه‌وه‌یه‌ ناتوانن بچنه‌ كوێستانه‌كان و ده‌ڵێن، وا بروات واز له‌ به‌خێوكردنی مه‌ڕوماڵاتیان دێنن.

 
مەکتەبی سەرۆک سەرەخۆشیی لە که‌مال شوکری قه‌مچخۆیی دەکات

SUNDAY, 23 APRIL 2017 19:04:46

به‌ڕێز که‌مال شوکری قه‌مچخۆیی

"لە لەیلان ٩ حاڵەتی تەقەکردن لە کادیرانی پارتی تۆمار کراوە"

SUNDAY, 23 APRIL 2017 16:04:48

کەرکووک-KDP.info-  بەرپرسی لێژنەی ناوچەی لەیلانی پارتی دیموکراتی کوردستان دەڵێ دەبێ دەزگا ئەمنییەکانی لەیلان جیددی بن لەبەر ئەوەی چەند جارێک تەقە لە ماڵی کادیرانی پارتی کراوە و نابێ ئەو دۆخە وەها درێژە بکێشێ.

راگەیاندراوی کۆبوونەوەی هاوبەشی پارتی و یەکێتی

SUNDAY, 23 APRIL 2017 15:04:09

هەولێر-KDP.info- بە ئامادەبوونی (سەرۆک بارزانی) هەردوو مەکتەبی سیاسی پارتی دیموکراتی کوردستان و یەکێتیی نیشتمانی کوردستان کۆبوونەوە و لە کۆبوونەوەکەدا سێ تەوەر گفتوگۆیان لەبارەوە کرا.

نوێنەری نەتەوە یەکگرتووەکان و شاندێکی ڕەوتی سەدر کەمپی حەسەنشامیان بەسەر کردەوە

SUNDAY, 23 APRIL 2017 15:04:16

حەسەنشام-KDP.info-  (لیزا گراندنی)، نوێنەری تایبەتیی سکرتێری گشتیی نەتەوە یەکگرتووەکان لە عێراق  و، (یان واڵتسمان)، سەرکونسووڵی هۆڵەندا لە عێراق بە مەبەستی بەسەرکردنەوەی ئاوارەکان سەردانی کەمپی حەسەنشامیان کرد.



 
© 2017 Kurdistan Democratic Party, KDP