Kurdî  ■  كوردی  ■  عربي
FRI, 23 FEB 2018 21:44 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هاووڵاتیانی سۆران چاوەڕیی ڕۆژی ڕیفراندۆمن
| KDP.info


سۆران-KDP.info-  هاووڵاتیانی سنووری هەرچوار قەزاكەی دەڤەری سۆران، (سۆران، ڕواندز، مێرگەسۆر، چۆمان)، كە زیاتر لە ١٠٠ هەزار دەنگدەر دەبن، چاوەڕوانن سەرۆكی هەرێمی كوردستان ڕۆژێك بۆ ڕیفراندۆم دیاری بكات، بۆ ئەوەی بە ''بەڵێ'' دەنگ بدەن، چونكە وەك ئەو هاووڵاتیانە دەڵێن، سەربەخۆیی و دەوڵەت لە ڕێی ڕیفراندۆمەوە، بژاردەیەكی گونجاوە.

(د. لەزگین عوبێد)، مامۆستای زانكۆ لە سۆران بە ماڵپەڕی فەرمیی پارتی دیموكراتی كوردستانی گوت:  ''ڕاستە لە هەرێمی كوردستان كێشە و ناكۆكی لە نێوان لایەنەكاندا هەیە، بەڵام هەندێك پرس هەن، وەك پرسی ڕاپرسی و مافی چارەی خۆنووسین، كە پرسی نەتەوەیی و نیشتمانین و نابێ بخرێنە ناو ململانێی حزبایەتییەوە و، ئەگەر ململانێ هەبێت لەسەر پۆست و هەندێك شتی دیكە، ئەمە حاڵەتێكی سرووشتیە، بەڵام نابێ لەسەر پرسە چارەنووسسازەكان، كە پەیوەندیی بە هەموو تاكێكی كورد و داهاتووی كوردستانەوە هەیە، ململانێی حزبی بكرێت.''

(هۆزان خۆرشید)، چالاكی بواری سیاسی لە دەڤەری سۆران بە ماڵپەڕی فەرمیی پارتی دیموكراتی كوردستان دەڵێت: ''مانەوەی كورد لە بەغدا هیچ سوودێكی بۆ ئێمە نابێت و نابێ كات بەفیڕۆ بدەین، بەڵكو پێویستە بڕیار لە چارەنووسی خۆمان بدەین و ببینە خاوەنی دەوڵەتی خۆمان، بۆیە كاتی ئەوە هاتووە سەركردایەتیی كورد بڕیارێكی یەكلاكەرەوە بدات، چونكە ئێستا دەرفەتێكی زۆر باش بۆ كورد هاتووەتە پێشەوە و نابێت ئەو دەرفەتە لە دەست خۆمان بدەین.''

(شێروان مستەفا)، مامۆستای پەیمانگا لە دەڤەری سۆران بە ماڵپەڕی فەرمیی پارتی دیموكراتی كوردستانی گوت: ''بابەتی سەربەخۆییی كوردستان لە سەرووی هەموو شتێكەوەیە، پێویستە سەركردایەتیی سیاسیی كوردستان پێشنیارێكی هەبێت، كە هەموو لایەنە سیاسییەكان كۆ بكاتەوە، ئەوانەی كە دەتوانن زاڵ بن لەسەر هەموو ئەو كێشانەی دێنە پێشەوە و پشتگیری لە دەوڵەتی كوردستان دەكەن، چونكە مانەوەمان لەگەل عێراق سوودی نەماوە، تەنیا چارەسەر و ڕێی بەرەو باشتربوونمان دروستبوونی دەوڵەتی كوردستانە و لەو ڕێیەوە دەتوانین بە ئامانجەكانمان بگەین.''

(ئازاد جوندی)، فەرمانبەر لە شارۆچكەی ڕواندز، بە ماڵپەڕی فەرمیی پارتی دیموكراتی كوردستانی ڕایگەیاند: ''ئێستا كاتی ئەوە هاتووە ڕیفراندۆم بكرێت، بەڵێ پێوستە ڕیفراندۆم بكرێت، چونكە هەلێكی زێڕین بۆ گەلی كورد هاتووەتە پێشەوە و دەبێت ئەو هەلە لە دەست نەدەین و خۆمانی بۆ ئامادە بكەین.''

( واحید مستەفا) مامۆستای بنەڕەتی لە شارۆچكەی مێرگەسۆر بە ماڵپەڕی فەرمیی پارتی دیموكراتی كوردستان دەڵێت: ''چاوەڕێین (سەرۆك بارزانی) ڕۆژێك بۆ ڕیفراندۆم دیاری بكات، بۆ ئەوەی بە ''بەڵێ'' دەنگ بدەین و بەو ئاواتە بگەین، كە دەریایەك خوێنمان بۆ داوە.''

(زەكی موسلیح)، فەرمانبەر لە چۆمان، بە ماڵپەڕی فەرمیی پارتی دیموكراتی كوردستانی گوت: ''ئەو دەرفەتەی بۆمان ڕەخساوە، نابێ لە كیسمان بچێت، بۆیە نابێ بەهۆی كارانەكردنەوەی پەرلەمانەوە ڕیفراندۆم دوا بخرێت.''

(زەكی موسلیح) ڕوونیشی كردەوە: ''هەرێمی كوردستان لەوپەڕی بەهێزیدایە، بۆیە كاتێكی زۆر گونجاوە بۆ ڕیفراندۆم و جیابوونەوە لەو عێراقەی بە درێژایی مێژوو هەوڵی لەناوبردنی گەلی كوردی داوە.''

ڕابین شێروانی

 




دوایین هەواڵەکان

پنتاگۆن: لە پشتیوانیکردنی دارایی هێزی پێشمەرگە بەردەوام دەبین

FRIDAY, 23 FEBRUARY 2018 16:02:01

ئەمەریکا-KDP.info-  وەزارەتی بەرگریی ئەمەریکا کە بە پنتاگۆن ناسراوە رایدەگەیەنێ کە ئەوان لە پشتیوانیکردنی دارایی هێزی پێشمەرگە بەردەوام دەبن.

وەزیری دەرەوەی ئیسپانیا: ریفراندۆمی کوردستان و کەتەلۆنیا زۆر لە یەکدی جوودان

FRIDAY, 23 FEBRUARY 2018 16:02:29

ئیسپانیا-KDP.info-  وەزیری دەرەوەی ئیسپانیا (ئەلفونسۆ دەستیس) لە دیداریدا لەگەڵ فەلاح حەسەن جێگری سەرۆکی لاوانی سیاسی جیهان دەڵێ،  ئێستا ئەوان لەوە گەیشتوون کە ریفراندۆمی ھەرێمی کوردستان و کەتەلۆنیا زۆر لەیەکدی جوودان.

له‌ كۆشكى سپى مه‌سروور بارزانى له‌گه‌ڵ راوێژكارى سه‌رۆكى ئه‌مریكا بۆ ئاسایشى نیشتیمانى كۆبووەوە

FRIDAY, 23 FEBRUARY 2018 10:02:26

ئەمەریکا-KDP.info-  مه‌سروور بارزانى، راوێژكارى ئه‌نجوومه‌نى ئاسایشى هه‌رێمى كوردستان له‌گه‌ڵ هاوتا ئه‌مریكییه‌كه‌ى، هێربرت ماك ماسته‌ر، راوێژكارى سه‌رۆكى ئه‌مریكا بۆ ئاسایشى نیشتیمانى کۆبوویەوە.

ڕومیۆ ھەکاری: دەشتی نەینەوا وەک ناوچەیەکی سەربازیی ماوە

FRIDAY, 23 FEBRUARY 2018 10:02:45

دەشتی نەینەوا-KDP.info-  سکرتێری گشتیی حزبی بەیت‌نەھرێن ده‌ڵێت، ھێشتا زۆرێک لە ئاوارەکانی دەشتی نەینەوا لە ھەرێمی کوردستان ماون و بە ھۆی ڕەوشی ئەمنیی ناوچەکانیانه‌وه‌، ناتوانن بگەڕێنەوە و دەشڵێ، ھەوڵ ھەیە بۆ گۆڕینی دیمۆگرافیای دەشتی نەینەوا.

ئەنجوومەنی پارێزگای هەولێر: هێرشکردنەسەر کەسایەتییەکانی پایتەختی هەرێمی کوردستان قبووڵكراو نییه‌

THURSDAY, 22 FEBRUARY 2018 22:02:24

هه‌ولێر-KDP.info-  لە دوای ئەوەی لە برۆکسلی پایتەختی بەلجیکا کەسێک هێرش دەکاتە سەر پارێزگاری هەولێر، دەستەی سەرۆکایەتیی ئەنجوومەنی پارێزگای هەولێر، ئیدانەی ئەو هێرشە دەکەن و داوا لە دەزگا بەرپرسیارەکان دەکەن رێکاری یاسایی بگرنەبەر.

 


 
© 2017 Kurdistan Democratic Party, KDP