Kurdî  ■  كوردی  ■  عربي
MON, 18 JUN 2018 10:48 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

وه‌زیری ناوخۆ: ئاسانكاریی ده‌كه‌ین كه‌ ئاواره‌كان ئاره‌زوومه‌ندانه‌ بۆ ناوچه‌كانیان بگه‌ڕێنه‌وه‌
| KDP.info


 

هه‌ولێر-KDP.info-  (كه‌ریم شنگالی) وه‌زیری ناوخۆی حكوومه‌تی هه‌رێمی كوردستان رایگه‌یاند، ملیۆنێك سێسه‌د هه‌زار ئاوارەی ناوخۆی عێراق له‌ هه‌رێمی كوردستان نیشته‌جێ كراون، هه‌ندێكیان بۆ ناوچه‌كانیان گه‌ڕاونه‌ته‌وه‌ و هه‌ندێكیشیان چوونه‌ته‌ ده‌ره‌وه‌ی وڵات.

(كه‌ریم شنگالی) ئه‌م زانیارییه‌ی له‌ كۆنفرانسی كۆچ و ئاواره‌بوون له‌ عێراق رایگه‌یاند و گوتیشی، ''سیاسه‌تی حكوومه‌تی هه‌رێم له‌و ڕووه‌وه‌ ڕوون و نه‌گۆڕه‌ و پێیی وایه‌ چاره‌سه‌ری بنه‌ڕه‌تی و دریژخایه‌نی ئاواره‌كان بریتییه‌ له‌ گه‌ڕانه‌وه‌یان بۆ ناوچه‌كانیان. ئێمه‌ پشتگیریی مانه‌وه‌یان له‌ هه‌رێم یان چوونه‌ ده‌ره‌وه‌ی ئاواره‌كان له‌ عێراق ناكه‌ین. پشتیگیریی ئه‌وه‌ ده‌كه‌ین به‌ ئاره‌زوومه‌ندانه‌ بۆ ناوچه‌كانیان بگه‌ڕێنه‌وه‌، هه‌موو ئاسانكارییه‌كیشیان بۆ ده‌كه‌ین تا به‌ ئاسانی بگه‌رێنه‌وه‌ ناوچه‌كانیان."

كۆنفرانسی كۆچ و ئاواره‌بوون له‌ عێراق ئه‌مڕۆ چوارشه‌ممه‌ 19 نیسانی 2017، به‌ ئاماده‌بوونی ئاژانسه‌كانی نه‌ته‌وه‌ یه‌كگرتووه‌كان و لایه‌نه‌ په‌یوه‌ندیداره‌ ناوخۆیی و بیانییه‌كانی پرسی ئاواره‌كان، له‌ هه‌ولێر به‌رێوه‌ چوو.

له‌ باره‌ی هه‌ڵوێستی به‌غدا سه‌باره‌ت به‌ ئاواره‌كانی عێراق له‌ هه‌رێمی كوردستان، وەزیری ناوخۆی حكوومه‌تی هه‌رێمی كوردستان ئاماژه‌ی دا "به‌غدا وه‌ك پێویست هاوكاریی هه‌رێمی كوردستانی نه‌كردووه‌ بۆ پرسی ئاواره‌كان و، پێویسته‌ به‌رپرسیارانه‌ مامه‌ڵه‌ له‌گه‌ڵ پرسی ئاواره‌كاندا بكرێت".

گوتیشی "سه‌ره‌ڕای هه‌وڵه‌كانمان له‌گه‌ڵ به‌غدا و نه‌ته‌وه‌ یه‌كگرتوووه‌كان بۆ ئاوه‌دانكرنه‌وه‌ی ناوچه‌ رزگاركراوه‌كانی ژیر ده‌سه‌ڵاتی حكوومه‌تی هه‌رێم، تا ئێستا له‌م بارەوە هیچ هه‌نگاوێك نه‌نراوه‌".

ئاشكرایسی كرد كه‌ هێشتا هیچ هه‌ماهه‌نگی و هاوكارییه‌ك له‌ نێوان به‌غدا و نه‌ته‌وه‌ یه‌كگرتووه‌كان و پێكهاته‌كاندا نییه‌ بۆ گێڕانه‌وه‌ی سه‌قامگیری لە ناوچە رزگاركراوەكان.

(كەریم شنگالی) هاوكات داوای له‌ ئاژانسه‌كانی نه‌ته‌وه‌ یه‌كگرتوووه‌كان كرد، نوێنه‌ری خۆیان له‌ هه‌رێمی كوردستان ده‌ستنیشان بكه‌ن بۆ پرسی ئاوه‌دانكردنه‌وه‌ی ناوچه رزگاركراوەكانی ژێر ده‌سه‌ڵاتی حكوومه‌تی هه‌رێمی كوردستان.




دوایین هەواڵەکان

ئەنجیلینا جولی پشتگیرییه‌كانی حکوومەتی ھەرێم لە پەنابەرانی سوریا به‌رز ده‌نرخێنێت

SUNDAY, 17 JUNE 2018 21:06:09

هه‌ولێر-KDP.info-  ئەنجیلینا جولی، نێردەی تایبەتیی کۆمسیۆنی باڵای پەنابەرانی سه‌ر به‌ نەتەوە یەکگرتووەکان و شاندێكی یاوه‌ری، سەردانی ھەولێری کرد و لەلایەن سەفین دزەیی وتەبێژێ فەرمیی حکوومەتی ھەرێمی کوردستان و بەرپرسی نووسینگەی تایبەتیی سەرۆکوه‌زیرانی هه‌رێمی كوردستانه‌وه‌ پێشوازی لێ کرا.

 
"لە عەفرین خەڵک ئازار دەدرێ"

SUNDAY, 17 JUNE 2018 16:06:01

عەفرین-KDP.info- چاودێرێکی سیاسی دەڵێ، گروپەچەکدارەکان لە  عەفرین خەڵکی بەتوندترین شێوە ئازار دەدەن، رێکخراوی هیومان وۆچ ئاشکرای کردووە کە چەکدارەکان لەگەڵ ئەوەی خەڵکی ئازار دەدەن، شوێنەکانیش خاپوور دەکەن تا خەڵکی نەگەڕێنەوە.

داعش له خانه‌قین سه‌رۆكهۆزی هه‌مه‌وه‌ند و خێزانه‌كه‌یان تیرۆر کرد

SUNDAY, 17 JUNE 2018 15:06:11

خانەقین-KDP.info-  تیرۆریستانی داعش لە سنووری خانەقین سەرۆکهۆزی هەمەوەند و خێزانەکەیان تیرۆر کرد.

سه‌رۆك بارزانی سه‌ردانی میحوه‌ری پردێ ده‌كات

SATURDAY, 16 JUNE 2018 17:06:20

میحوەری پردێ-KDP.info-  سەرۆك مه‌سعوود بارزانی، له‌ دووه‌م رۆژی جه‌ژندا، سەردانی بەرەكانی هێزی پێشمەرگەی كوردستان لە میحوەری پردێ كرد.

"مەسیحییەکان دەڵێن بەغدا فەرامۆشی کردووین"

SATURDAY, 16 JUNE 2018 17:06:51

هەولێر-KDP.info-  رۆمیۆ هەکاری سکرتێری حزبی بەیتنەهرێن دەڵێ، وەک پێکهاتەکان هیچ هەست ناکەین کە ئێمە لە لایەن بەغداوە لە پرسە چارەنوسسازەکاندا بەشداریمان پێدەکرێ، بەغدا پێکهاتەکانی فەرامۆش کردووە.



 
© 2018 Kurdistan Democratic Party, KDP