Kurdî  ■  كوردی  ■  عربي
THU, 21 JUN 2018 09:28 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

شاندی پارتی و یه‌كێتی ده‌چێته‌ كه‌ركووك.. چاره‌نووسی پارێزگاكه‌ ده‌خه‌نه‌ به‌ر باس
| KDP.info


 

هه‌ولێر-KDP.info-  شاندی پارتی دیموكراتی كوردستان و یه‌كێتیی نیشتمانیی كوردستان، سه‌ردانی شاری كه‌ركووك ده‌كات. بڕیاره‌ ئه‌و شانده‌ له‌گه‌ڵ ئه‌نجوومه‌نی پارێزگای كه‌ركووك كۆ ببێته‌وه‌ و پرسی چاره‌نووسی ئه‌و شاره‌ ته‌وه‌ری سه‌ره‌كیی گفتوگۆكان ده‌بێت.

(رێبوار تاڵه‌بانی) سه‌رۆكی ئه‌نجوومه‌نی پارێزگای كه‌ركووك به‌ ماڵپه‌ڕی فه‌رمیی پارتی دیموكراتی كوردستانی راگه‌یاند، كه‌ سه‌ردانه‌كه‌ "به‌منزیكانه‌" ده‌بێت. ئه‌و، كاتی سه‌ردانه‌كه‌ی به‌ ته‌واوی دیاری نه‌كرد.
(رێبواری تاڵه‌بانی) ده‌ڵێ، "بڕیاره‌ ئه‌و شانده‌ هاوبه‌شه‌ی پارتی و یه‌كێتی كه‌ له‌گه‌ڵ لایه‌نه‌ ناوخۆییه‌كانی كوردستان و به‌غدا كۆ بوونه‌وه‌، سه‌ردانی كه‌ركووك بكه‌ن و له‌گه‌ڵ ئه‌نجوومه‌نی پارێزگای كه‌ركووكدا كۆ ببنه‌وه‌.''

وێڕای جه‌ختكردنه‌وه‌ له‌ گفتوگۆی نێوان هه‌ولێر و به‌غدا له‌سه‌ر چاره‌نووسی كه‌ركووك، (تاڵه‌بانی) كه‌ سه‌رۆكی ئه‌نجوومه‌نی پارێزگای كه‌ركوووكه‌ به‌ وه‌كاله‌ت، گوتی، ''ئه‌نجوومه‌نی پارێزگای كه‌ركوووك ده‌یه‌وێ به‌غدا "خشته‌یه‌كی كاتی" بۆ جێبه‌جێكردنی مادده‌ی 140 له‌ ده‌ستووری هه‌میشه‌یی عێراق دابنێت، خۆ ئه‌گه‌ر به‌غدا ئه‌و كاره‌ی نه‌كرد، ئه‌وا ئه‌وكات به‌رپرسیاره‌تیی ئه‌نجامدانی ریفراندۆم ده‌كه‌وێته‌ ئه‌ستۆی حكوومه‌تی هه‌رێم و پارێزگای كه‌ركووك.''

هه‌ڵبه‌ت (رێبواری تاڵه‌بانی) ئاماژه‌ی به‌وه‌ نه‌دا كه‌ خشته‌ كاتییه‌كه‌ چۆن ده‌بێ و چ كاتێكیان دیاری كردووه‌، به‌ڵام گوتی، "له‌ كۆبوونه‌وه‌ له‌گه‌ڵ شاندی هاوبه‌شی پارتی و یه‌كێتیدا باس له‌و پرسه‌ش ده‌كه‌ین".
هه‌روه‌ها ناوبراو ئه‌وه‌شی ئاشكرا كرد كه‌ "تا ئێستا به‌ روونی دیار نییه‌ كه‌ركووكییه‌كان له‌ ریفراندۆمی كوردستاندا به‌شدار ده‌بن یان نا".

رۆژی 28ی مانگی ئاداری رابردوو، ئه‌نجوومه‌نی پارێزگای كه‌ركووك بڕیاری دا، ئاڵای كوردستان له‌سه‌ر هه‌موو داموده‌زگا حكوومه‌تییه‌كانی ئه‌و پارێزگایه‌ هه‌ڵبكرێت. ئه‌و بڕیاره‌، كاردانه‌وه‌ی حكوومه‌تی عێراقی لێ كه‌وته‌وه‌ و له‌ په‌رله‌مانی به‌غدایش هه‌وڵ درا بڕیاره‌كه‌ هه‌ڵبوه‌شتێندرێته‌وه‌، به‌ڵام هه‌وڵه‌كه‌ سه‌ركه‌وتوو نه‌بوو.
دوای ئه‌و بڕیاره‌، زۆربه‌ی ئه‌ندامانی ئه‌نجوومه‌نی پارێزگای كه‌ركووك له‌گه‌ڵ ئه‌وه‌دابوون كه‌ خه‌ڵكی شاره‌كه‌یان، به‌شداری له‌ ریفراندۆمی كوردستان بكه‌ن.

هاوكات (د.رۆژ نووری شاوێس) ئه‌ندامی مه‌كته‌بی سیاسیی پارتی دیموكراتی كوردستان، دووپاتی كرده‌وه‌ كه‌ به‌غدا له‌ یه‌كلاكردنه‌وه‌ی چاره‌نووسی ناوچه‌ كوردستانییه‌كانی ده‌ره‌وه‌ی ئیداره‌ی هه‌رێمدا "كه‌مته‌رخه‌م" بووه‌، بۆیه‌ ئاشكرای كرد "له‌ میانه‌ی ریفراندۆمی سه‌ربه‌خۆییی كوردستاندا، كه‌ركووكییه‌كان به‌شدار ده‌بن و ئه‌مه‌ش به‌ واتای جێبه‌جێكردنی قۆناغی سێی مادده‌ی 140ی ده‌ستووری هه‌میشه‌ییی عێراقه‌".
(رۆژ نووری شاوێس)، دوای كۆبوونه‌وه‌ی شاندی هاوبه‌شی پارتی و یه‌كێتی له‌گه‌ڵ كۆنسووڵ و نوێنه‌رانی وڵاتانی بیانی له‌ كوردستان، ئه‌و قسانه‌ی له‌ میانه‌ی كۆنگره‌یه‌كی رۆژنامه‌نووسیدا گوت.

بڕیاره‌ بوو به‌پێی سێ قۆناغی مادده‌ی 140 له‌ ده‌ستووری عێراق و تا 31/12/2007، چاره‌نووسی ناوچه‌ كوردستانییه‌كانی ده‌ره‌وه‌ی ئیداره‌ی هه‌رێم یه‌كلا بكرێته‌وه‌، به‌ڵام ئه‌و مادده‌ ده‌ستوورییه‌ تا ئێستایش جێبه‌جێ نه‌كراوه‌.

كاوه‌ جه‌م




دوایین هەواڵەکان

وەزارەتى خوێندنى باڵا، لیستى زانکۆ باوەڕپێکراوەکانى تورکیا و ئێرانی بڵاو كرده‌وه‌

THURSDAY, 21 JUNE 2018 00:06:18

هه‌ولێر-KDP.info-  وەزارەتى خوێندنى باڵا و توێژینەوەى زانستیى حکوومەتى هەرێمى کوردستان پێداچوونەوەى بە لیستى زانکۆ باوەڕپێکراوەکانى وڵاتانى (تورکیا – ئێران) کرد و لیستێکى نوێی بڵاو كرده‌وه‌.

 
مه‌كته‌بی سه‌رۆك سه‌رخۆشی له‌ شاخەوان غەریب ده‌كات

THURSDAY, 21 JUNE 2018 00:06:05

بەناوی خودای گەورە و میهرەبان

به‌ڕێز شاخەوان غەریب

بەبیستنی هه‌واڵی كۆچی دوایی كاكە(شڤان)ـی كوڕت خەمبار بووین.

پارتی سه‌رخۆشی له‌ خانەوادەی مەلا حاجی دێلۆیی ده‌كات

THURSDAY, 21 JUNE 2018 00:06:33

بەڕێزان خانەوادەی مەلا حاجی دێلۆیی

خەمبار بووین بە بیستنی هەواڵی کۆچی دوایی پێشمەرگەی هەدوو شۆڕشی مەزنی ئەیلوول و گوڵان، کادیری تێکۆشەر و دڵسۆزی پارتی و رێبازی بارزانی، ئەندامی مەکتەبی رێکخستن و کەسایەتیی دیاری دەڤەری پشدەر (مەلا حاجی دێلۆیی).

"بۆ گەڕانه‌وه‌ی پێشمه‌رگه‌ بۆ سنووری خانه‌قین سبه‌ی خۆپێشاندان دەکرێ"

WEDNESDAY, 20 JUNE 2018 16:06:14

خانه‌قین-KDP.info-  به ‌هۆی ئه‌وه‌ی مه‌ترسییه‌كی گه‌وره‌ له‌سه‌ر خانه‌قین هه‌یه‌ و به‌رده‌وام كرده‌وه‌ی تیرۆریستی لێ ئه‌نجام ده‌درێت و چه‌ندین گوند به‌و هۆیه‌وه‌ چۆڵ كراون و خه‌ڵكێكی زۆر بوونەته‌ قوربانی. عامر رەفعەت دەڵێ، ئیدی سبه‌ی له‌ خانه‌قین خۆپێشاندان بۆ گەڕانه‌وه‌ی هێزی پێشمه‌رگه‌ بۆ ئه‌و ناوچانه‌ ده‌ست پێ ده‌كات و خه‌ڵكی خانه‌قین مان ده‌گرن و دووكانه‌كانیان داده‌خه‌ن .

 
"زیاتر له ‌20 هه‌زار په‌نابه‌ر گه‌ڕاونه‌ته‌وه‌ عێراق و هه‌رێم"

WEDNESDAY, 20 JUNE 2018 16:06:22

هه‌ولێر-KDP.info- به‌ڕێوەبه‌ری كۆچ و كۆچبه‌ران گوتی، له‌ شه‌ڕی داعش و قه‌یرانی داراییدا شه‌پۆلێكی كۆچكردن له‌ هه‌رێمی كوردستانەوە بۆ ده‌ره‌وه‌ ده‌ستی پێ كرد، به‌ڵام له‌ دوای كۆتاییهاتنی شەڕی داعش كۆچكردن پێچه‌وانه‌ بووەته‌وه‌، به‌ جۆرێك له‌ دوو ساڵی ڕابردوودا زیاتر له‌20 هه‌زار كه‌س گه‌ڕاونه‌ته‌وه‌ بۆ عێراق، كه‌ 39%یان په‌نابه‌ری هه‌رێمی كوردستانن و گه‌ڕاونه‌ته‌وه‌ هه‌رێم و به‌رنامه‌یه‌كیشیان داناوه‌ هه‌ر ئاواره‌یه‌ك بگه‌ڕێته‌وه‌ هاوكاریی دارایی پێشكه‌ش ده‌كرێت.

 


 
© 2018 Kurdistan Democratic Party, KDP