هەولێر-KDP.info- بەرپرسی پەیوەندییەکانی دەرەوەی حکوومەتی هەرێمی کوردستان(فەلاح مستەفا) رایگەیاند، "ئەمەریکایش بڵێ نا، ئێمە سەربەخۆیی رادەگەیەنین."
بەرپرسی پەیوەندییەکانی دەرەوەی حکوومەتی هەرێمی کوردستان(فەلاح مستەفا) کە لەگەڵ شاندێک چەند ڕۆژێکە لە وڵاتە یەکگرتووەکانی ئەمەریکان و گفتوگۆکردن لەسەر دواپێشهات و قەیرانی ئێستای عێراق، رایگەیاند، "ئەمەریکا لەبارەی سەربەخۆیی کوردستان بڵێ نا، ئەگەر خەڵکی کوردستان بیەوێ، سەربەخۆیی رادەگەیەنین."
لە چاوپێکەوتنێکدا لەگەڵ کەناڵیPBSـی ئەمەریکاییدا، (فەلاح مستەفا) رایگەیاند، "ئێمە نامانەوێ لە عێراق بمێنینەوە، لەبەر ئەوەی عێراق شکستی خواردووە".
بەرپرسی پەیوەندییەکانی دەرەوەی حکومەتی هەرێمی کوردستان داوای لە کۆمەڵگەی نێودەوڵەتییش کرد رێز لە ئەنجامی ئەو ریفراندۆمە بگرن، کە بڕیارە لە باشووری کوردستان ئەنجام بدرێت.