دهۆک-KDP.info- سەرۆکێ پارتیا ئازادیا کوردستانێ دبێژیت: ھەلویست و گەمارۆ و سییاسەتا بەغدایێ یا ل سەر ھەرێما کوردستانێ، نیشانا وێ یەکێ یە کو، ریفراندۆما سەرخوەبوونێ نەبا ژی، بەغدایێ دێ ھەر ب ڤی رەنگی سەرەدەری ل گەل هەرێمێ کربا.
(موستەفا ئۆزجەلیک)، بۆ ماڵپەرێ فەرمیی یێ پارتی دیموکراتی کوردستان گۆت:'' بەرییا ریفراندۆمێ ئەمەریکا، بریتانیا و دەولەتێن دی یێن ئەوروپایێ ژ بەر بجھ نەئینانا دەستوورا فیدرالی و ب تایبەتی ژی د بجھ نەئینانا ماددەیا ١٤٠ی و یاسایێن دەستوورێ دە ، ل ھەمبەری بەغدایێ گەلەک سست بوون. ڤێ یەکێ ژی جەسارەت دا بەغدایێ کو، دەستوورێ زێدەتر بن پێ بکە، دانپیدانێ پێ نەکەت.
دیارژی کر، ئەگەر ئەم ڤەگەرن سەر ئەگەرێن رێفراندۆما سەرخوەبوونێ ئەمێ ببینن ئەگەرێ سەرەکی بجیھ نەئینانا دەستوورا فیدرالییا عیراقێ یە.بەغدایێ ھەرێما کوردستانێ وەکە شریکێ خوە نە دهەژمارت و دەستوور بجھ نەدئینا.ژ بەر وێ ژی ژ ژبلی ریفەراندۆمێ ل بەر کوردان چ رێک نەمابوون.
ناڤهاتی زەلال کر، ریفراندۆما سەرخوەبوونێ ب بەشدارییا ٧٢% و ب ئەرێ یا ژ ٩٣% یێ گەلێ کوردستانێ، ب ئاوایەکی مەشروع و دەمۆکراتیک ئیرادەیا سەرخوەبوونێ نیشان دا.ئەڤ ئیرادەیا دیاربوو یەکتییا نەتەوییا گەلێ کوردستانێیە، بەرخوەدان و سەرھلدانا ل ھەمبەری ھەموو فشارێن ناڤخوەیی و دەرەکییە، بەیانا داخوازا سەرخوەبوونێیە.
سەرۆکێ پارتیا ئازادیا کوردستانێ دیار ژی کر، کو نها کوردان کارتێن بهێز ددەست دانە،ئەوژی ئەمەریکا و دەولەتێن ئەورووپا ب ئاوایەکی باش فشاری ل سەری بەغدایێ دکەن کو دەستووری بجهــ بینیت و، مادەیا ١٤٠ی بجیھ بینە. نوھا بەغدا ب فشارا نیڤدەولەتی گەلەک تەنگاڤبوویە. ئانکۆ ئەو دەولەتێن کو چاڤێن خوە ژ بجیھ نەئینانا دەستوورا ئراقێ دگرتن، ئیرۆ فیشارێ ددانێنە سەر بەغدایێ و کەفتیە دبن فشارەکا مەزن دا و ئەڤە کارتەکە گەلەک بهێزە.
(ئۆزجەلیکی)، ئەویەکە ژی گۆت:'' ئەگەر بەغدا وان داخوازیان بجهــ نەئینیت دێ سەرخوەبوونێ خوەشتر کەت.ئەڤە ژی کارتەکا ب هێزە ددەستێ کوردان دا.
کـــاروان بـــاعەدری